SAGULION 4:36 - Tanou Moonsoi Timugon

³⁶ Nangiou Io ramuyun rumongog ra bolos Nano intor ra limbowon maa' raginio makapangila' Io ramuyun; giti ra tana' ti mangiou Io ramuyun magilong ra apui Nano ondo' matulai, am intor ra apui no minindagu Io ramuyun.

SAGULION 4:36 ပူးပေါင်းရင်းမြစ်များ

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

KAINGKUALAN 19:18

Titikop ru Gunung Sinai natikop ra lisun sabap ra timinuun Tuhan ra rasawat no ralalom ru apui. Binuun ru lisun ra makapal no minsawat koson ra lisun ru rapuan, am titikop ru gunung no nogonggon kaga'.

KAINGKUALAN 19:19

Bolos ru bujung sumongou poyo. Mindagu i Musa ri Aki Kapuuno' am tumaam Io ra tingkalur.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 24:16

Sinda karatangan ru Tuhan timinuun ra rasawat ru gunung no. Nakito ginio ru ulun ru Israil koson ra apui manimbula' ra tampak ru gunung no. Natauban ru gaun gunung no buoi kaanaman. Paat ra orou ra katulu', intor ra gaun no pampiau Tuhan ri Musa.

SAGULION 4:12

Balai' ilo ati kulaan Tuhan minindagu ramuyun intor ralalom ru apui no, am ati kulaan akau nokorongog ra bolos Nano kaa' kalo nakakito Riso ralalom atan pana baal.

SAGULION 4:15

“Paat ra Tuhan minindagu ramuyun intor ralalom ru apui giu' ra Gunung Sinai, kalo nakakito kau ra atan baal pana. Ginio ra, tutuno' noyo maa' raginio

SAGULION 4:33

Igondo' kia mokoondo' bansa' magulayun naayag malupus nokorongog ra rondo' tuhan mindagu intor ralalom ru apui koson ra nailian min?

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

IBRANI 12:18

Akau sala' ka koson ra ulun ru Israil ra galing i. Ilo nakainggaar ra gunung Sinai ondo' makambong ru ulun, makaapui nanimbula', makakalandaman am poyo bagiu' mapuor ondo' nalimanan nilo.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.