SAGULION 4:34 - Tanou Moonsoi Timugon

³⁴ Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

SAGULION 4:34 ပူးပေါင်းရင်းမြစ်များ

MAZMUR 136:12

Ngaangai' no binaal ru kalindu' Nano ondo' maikang kaga'; togom Nano mantilayun.

MAZMUR 24:8

Osoi kia Raja' ra matulai no? Io noyo Tuhan ondo' mapanggol kaga', Tuhan ondo' natikop ra kuasa', ondo' namanang ra pangayawan.

MAZMUR 78:12

Ra saang ru kinamatuaan nilai, napatalang i Aki Kapuuno' ra baal kaimuagan giu' ra tana' marata' ru Joan ra pagun ru Misir.

KAINGKUALAN 1:9

Indagu raja' no ra mamagun nano, “Makalalaa' ulun ru Israil ritakau, sabap ra masuang kaga' ilo am maikang poyo intor ritakau.

KAINGKUALAN 10:21

Indagu Tuhan ri Musa, “Kakato' longon muno tampilon ra limbowon, am kalandaman ra molondom kaga' matikop ra titikop ru tana' ru Misir.”

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 14:30

Paat ra orou raginio, namayag Tuhan ra ulun ru Israil intor ra ulun ru Misir. Nakito ru ulun ru Israil baangkai ru ulun ru Misir nakaasak ra nagas.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

KAINGKUALAN 3:10

Raino manusub Aku rirun mongoi uma' ra raja' ru Misir maa' raginio matingganai mu ulun Kuno mingkual intor ra pagun ru raja' no.”

KAINGKUALAN 6:6

Ginio ra balai' ulun ru Israil ra bala' Kuno risilo, ‘Aku noyo Tuhan; mapalabus Aku ramuyun intor ra pangulipanan ru ulun ru Misir. Mamakai Aku ra kuasa' Kuno ondo' maayo koson mamayag ramuyun am koson mangani' ra ulun ru Misir ra ukuman maagat.

KAINGKUALAN 7:3

Kaa' mangkinibit Aku ra raja' no bambalingatan, am kalo mangining ra ondo' raguon muno, kabalu' pana maparatong Aku ra masuang karaat ra Misir.

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 32:21

Inibit Mu ulun ru Israil miningkual intor ra Misir ra kuasa' am kaikangan Muno. Nambaal Kou ra kaimuagan am baal-baal makaimuag ondo' nampakalalaa' ra pantula'.

UNTABAN 20:16

am nakiindangan akai boo ra Tuhan. Norongog ru Tuhan piau maili am nanusub ra rondo' malaikat koson maningganai ramon miningkual intor ra Misir. Raino giu' akai ra Kadis, rondo' bandar giu' ra balitan ru tana' muno.

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 10:21

Omporo' noyo Io sabap Io Aki Kapuuno' min, am ra mato galama', nakito min baal mangaayo am makaimuag ondo' binaal Nano ramuyun.

SAGULION 11:2

Paat orou raiti' karaa' atan ondo' napandayan min intor ra Tuhan intor ra nailian min. Akau noyo am sala' ka anak-anak mino ondo' makanailian raginio. Nakito min noyo kinaayo ru Tuhan, kaikangan Nano, kuasa' Nano,

SAGULION 26:8

Ra kuasa' am kaikangan Nano ondo' maayo namayag Io ramon intor ra Misir. Nambaal io ra kaimuagan, am baal makaimuag, am niayuk baal ondo' makalalaa'.

SAGULION 29:3

Nakito min noyo maruol tumapik ondo' makalalaa', kaimuagan am baal makaimuag ondo' binaal ru Tuhan.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

SAGULION 34:12

Kolondo' nabi ra bokon ondo' nambaal ra baal maayo am makalalaa' koson ra binaal ri Musa ra saang ru ngaangai' ulun ru Israil.

SAGULION 5:15

Karaa' noyo ra galing i inulipon kau giu' ra pagun ru Misir, am Aku Tuhan i Aki Kapuuno' min napalabus ramuyun ra kuasa' am kaikangan Kuno ondo' maayo. Ginio sabap ra nanusub Aku ramuyun mangiantak ra orou Sabat.

SAGULION 6:21

Balain ilo boo, ‘Galing i ulipon takau ru raja' ru Misir, kaa' napalabus Tuhan ritakau ra kuasa' Nano ondo' maayo.

SAGULION 7:19

Karaa' noyo karaat makalalaa' ondo' nakito min ra mato galama', kaimuagan am tatandu', am niayuk kuasa' maayo am kinapanggol ondo' pinakai ru Tuhan i Aki Kapuuno' min koson mapalabus ramuyun. Koson ra Io namuso ra ulun ru Misir ra galing i, koson niayuk raginio io mamuso ra ngaangai' bansa' ondo' kalaanin min raino.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

JOSUA 24:7

nampiau ilo Raki' makiindangan; naparatong Aku ra kalandaman ra lolot nilo am ulun ru Misir. Lininjob Ku ulun ru Misir ra timug ru raat saboi ilo nongolosor. Nakapandai kau ra atan binaal Kuno ra Misir. Nabuoi kau kaga' minayan ra tana' kaagisan.

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.