SAGULION 4:32 - Tanou Moonsoi Timugon

³² “Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

SAGULION 4:32 ပူးပေါင်းရင်းမြစ်များ

KASAUKAN 1:27

Ginio noyo i Aki Kapuuno' nambaal ra ulun am napasauk risilo koson ra baal Nano galama', sinauk No ilo ungkuyon am ruandu'.

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

AYUP 8:8

Karaa' toojo kapintaran ra galing i; karaa' noyo nailian ru kinamatuaan takali.

MAZMUR 44:1

Mazmur bansa' ri Kora. Sisindiron. Ra tingganai maririmbai.

KAINGKUALAN 34:10

Indagu Tuhan ri Musa, “Raino mambaal Aku rondo' nabantuan ra ulun ru Israil. Gino ra saang min, mambaal Aku ra baal mangaayo, ondo' kalo igondo' baalo' ra gino ngai' ru bansa' no ra titikop ru tana' ti. Makito ru ngaangai' bansa' ondo' maalap kabaal ru Aku, Tuhan, sabap ra baalin Ku akau ra baal mangaayo.

JISAYA 45:12

Aku noyo Tuhan napasauk ra tana' ti, am namangun ra ulun koson mangayan no. Ralalom kuasa' Kuno bingkalon Ku limbowon, am manguasa' ra mato ru orou, bulan am butitin-butitin.

JOIL 1:2

Rongog kano, akau ulun matutuo; rongog kano, akau ngaangai' ulun giu' ra Jiuda. Igondo' kia baal koson ragitio nasauk paat min ragili, kapoam paat ru kinamatuaan min ragili?

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

MATIUS 24:31

Bujung maayo samputin kosongowon am manusub Io ra malaikat-malaikat Nano mongoi ra ngaangai' pamagunan ru tana' ti, am manimung ilo ra ulun pinili' intor ra titikop ru tana' ti.”

MARKUS 13:27

Anak ru Ulun manusub ra malaikat-malaikat mongoi ra ngaangai' pamagunan ru tana' am manimung ilo ra ngaangai' ulun pinili' ri Aki Kapuuno'.”

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

SAGULION 30:4

Kabalu' pana pinantutuliar kau noyo ra titikop ru tana', timungon kau saguli' ru Tuhan i Aki Kapuuno' min.

SAGULION 32:7

“Karaa' noyo paat ragili, galing i poyo; kitaako' ama' min mantunung raginio ramuyun; kitaako' ulun matutuo mantunung ra tunung ragili.

SAGULION 33:29

Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

SAGULION 4:7

“Kolondo' bansa' ra ati pana, kabalu' pana bansa' maayo, ondo' makatuhan ondo' mamaar kaga' paat makapakuan risilo koson ra Tuhan i Aki Kapuuno' takau mamaar ritakau. Tumaam Io ra sasanggilan takau mampiau makiindangan.