SAGULION 4:31 - Tanou Moonsoi Timugon

³¹ Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

SAGULION 4:31 ပူးပေါင်းရင်းမြစ်များ

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

2 TUNUNG RU BANSA' ISRAIL 30:9

Amon ru sumaguli' kau ra Tuhan, ulun ondo' namparakop ra pabukat mino makaasi' risilo, am mangiou risilo muli'. Tuhan, i Aki Kapuuno' mino moonsoi am makaasi'; amon ru sumaguli' kau Riso, apuon No akau.”

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 105:8

Ginuut No nabantuan Nano ra sabuoi-buoi no, bantu' Nano paugaron ra tayar ru baribu-ribu papag,

MAZMUR 111:4

Kalo polosoon takau ru Tuhan mampalilian ra binaal Nano ondo' makaimuag; Io no motogom am maupus.

MAZMUR 111:5

Ulun ondo' mangurumat Riso aniin No ra akanon; kalo igondo' Io pampalilian ra bantu' Nano.

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 116:5

Tuhan no motogom am matimpok; i Aki Kapuuno' takau no natikop ra katagaman.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

KAINGKUALAN 6:8

Magibit Aku ramuyun mongoi ra pagun ondo' binantu' Kuno ra ibot koson pataakon Ku ri Abragam, ri Isak am ri Jakub. Mapataak Aku ra tana' no ramuyun ra longgom min. Aku noyo Tuhan.’ ”

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 30:11

Matong Aku am mamayag ramuyun. Pusoon Ku ngaangai' bansa' intok nampatutuliaran Kuno ramuyun, kaa' akau kalo pusoon Ku. Akau kalo palabuson Ku intor ra ukuman, kaa' matimpok Aku paat mangukum ramuyun. Aku, Tuhan, nakaindagu noyo.”

IMAMAT 26:42

mangkara' Aku ra nabantuan Kuli ri Jakub, i Isak am i Abragam. Manalimbagu Aku ra bantu' Kuno koson manaak ra pagun no ra ulun Kuno.

IMAMAT 26:44

Kabalu' pana kon raginio, paat ra ilo soroi ra pagun ru pantula', kalo mangiruan Aku kapoam mapalunsai risilo ra malingon. Amon ru baalon Ku ginio, timbalos ru ginio mamutat ra nabantuan Kuno risilo, am Aku ti tupo Tuhan i Aki Kapuuno' nilo.

IMAMAT 26:45

Manalimbagu Aku ra nabantuan ondo' binaal Kuli ra kinamatuaan nilai paat ra Aku nagibit risilo miningkual intor ra Misir koson manulu' ra kuasa' Kuno ra ngaangai' bansa', am maa' raginio Aku, Tuhan makasauk ri Aki Kapuuno' nilo.”

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

LUKAS 1:72

Koson mampakito ra asi' Nano ra kinamatuaan takali am suguton No bantu' Nali ra matulai i.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:8

Tuhan galama' maningganai am mabaya' rirun. Totopot Io kalo noyo maninduol kapoam mangiruan rirun. Ginio ra, pai' kalaa' kapoam malawo guang.”

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.