SAGULION 4:30 - Tanou Moonsoi Timugon

³⁰ Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

SAGULION 4:30 ပူးပေါင်းရင်းမြစ်များ

KASAUKAN 49:1

Piawo' ri Jakub anak-anak ungkuyon nano am indagu, “Tulibung kano am balain takamin ra atan ondo' masauk ramuyun ra tauli no:

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

MAZMUR 107:13

Ralalom boo ru kapaganan, mampiau ilo ra Tuhan, am bayagon No ilo intor ra makalalaa'.

MAZMUR 107:6

Ralalom boo ru kapaganan, mampiau ilo ra Tuhan, am mamayag Io risilo intor ra makalalaa'.

MAZMUR 18:6

Patayan ra makalalaa' no liminibung raki', am lobong napataan ra balatik sulungan kuno.

MAZMUR 59:16

Kumasisilot ilo maguyum ra akanon, am maguang ilo amon kalo maasug.

KAINGKUALAN 18:8

Nambala' i Musa ri Jitro ra ngaangai' ondo' binaal ru Tuhan ra raja' am ulun ru Misir koson mamayag ra ulun ru Israil. Nambala' io niayuk ri Jitro ra kapaganan ondo' mauma' nilo ralalom pangkiralanan am ati kulaan ilo binayag ru Tuhan.

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

JIRIMIA 4:1

Indagu Tuhan, “Ulun ru Israil, amon ru masaga' kau sumaguli', saguli' kano Raki'. Amon ru gumagaya' kau Raki' am mamatir ra sinungkalalaing ondo' kasisangin Kuno,

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

SULABOI 3:40

Ibok no tutuno' takau kaayagan takau, am saguli' no ra Tuhan.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

JAKARIA 6:15

Ulun intor ra intok maalur matong koson mangindangan mambaal ra Baloi ru Tuhan. Mopongo Baloi ra binaal saguli' no, makapandai kau ra Tuhan Ondo' Maayo Kaga' Kuasa' nanusub raki' mongoi ramuyun. Ngaangai' ru baal raginio masauk amon totopot kau gumagaya' ra susuban ru Tuhan, i Aki Kapuuno' min.

UNTABAN 24:20

I Biliam pana nakakito ra ulun ru Amalik ralalom ru pinaintalang nano, am raguo' no inala' ragitio, “Amalik iono bansa' ondo' maikang kaga' ra gino ngai' ru ngaangai' bansa', kaa' pupus no mapuso bansa' raginio ra sabubuoi no.”

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

SAGULION 30:10

Kaa' akau musiti' gumagaya' ra Tuhan i Aki Kapuuno' min am maya' ra ngaangai' ukum Nano ondo' natulisan ralalom ru Kitab ti, ondo' makasuang ra pangilaan Nano. Musiti' kau sumaguli' Riso ra sotopot ru guang.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.