SAGULION 4:29 - Tanou Moonsoi Timugon

²⁹ Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.

SAGULION 4:29 ပူးပေါင်းရင်းမြစ်များ

2 RAJA'-RAJA' 10:31

Kaa' kalo giminagaya' Raja' Jigu ra Ukum ru Tuhan, i Aki Kapuuno' ru Israil, ra sotopot ru guang nano. Binaya' no binaal ru Raja' Jirobiam, ondo' nangkinibit ra ulun ru Israil makatula.

2 RAJA'-RAJA' 23:3

Minigor io ra sapapa' ru lugu' ondo' timpokon ra raja', am nambaal ra nabantuan ra Tuhan, koson gumagaya' Riso, am sumugut ra ukum am susuban Nano ra totopot ru guang am salibuor nano, am niayuk manugut ra ngaangai' kitaakon ru nabantuan ondo' tinulisan ra ralalom ru kitab no. Ngaangai' mamagun ru pagun no nambantu' koson gumagaya' ra nabantuan no.

2 TUNUNG RU BANSA' ISRAIL 15:12

Nambaal ilo ra nabantuan ra mabaya' ra totopot ru guang am salibuor, maayag ilo sumugut ra kasagaan ru Tuhan, i Aki Kapuuno' ru kinamatuaan nilai.

2 TUNUNG RU BANSA' ISRAIL 15:15

Ngaangai' mamagun ru Jiuda naansukan sabap ra nambaal ilo ra nabantuan no ra totopot ru guang. Siminambayang ilo ra Tuhan ra totopot, ilo pana iniou ru Tuhan am inanian ra kaansayan ra titikop ru pagun.

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 15:4

Kaa' paat ra kapaganan, nakiindangan ilo ra Tuhan, i Aki Kapuuno' ru Israil. Maguyum ilo Riso, am makatuum Riso.

2 TUNUNG RU BANSA' ISRAIL 31:21

Nakasugut Raja' Gijkia sabap ra ngaangai' ondo' binaal nano koson ra Baloi ru Tuhan kapoam koson gumagaya' ra Ukum ri Musa, pinaugar no ra sototopot ru guang am ra togom ri Aki Kapuuno' nano.

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

NIGIMIA 9:27

saboi nompoloso Kou ra pantula' nangala am nanguasa' risilo. Paat ra kapaganan, nampiau ilo makiindangan Rirun; intor ra suruga', timinaam Kou risilo. Sabap ra makaasi' Kou nanusub Kou ra tingganai-tingganai, ondo' namayag risilo intor ra pantula'.

MAZMUR 119:10

Sotopot-topot no gogoton kuno gumagaya' Rirun; pai' aku polosoo' tumalansiang ra panusuban Muno.

MAZMUR 119:145

Ralalom intopot ru guang, mampiau aku Rirun; taamo' aku no, iou Tuhan; gagayaan ku panusuban Muno.

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

MAZMUR 119:58

Makiasi' aku toojo Rirun; pakaasi' noyo raki' sumugut ra bantu' Muno.

JIRIMIA 3:10

Kabaal ngaangai' no, i Jiuda ondo' kalo gumagaya' no babaalon ayuk siminaguli' Raki', sabap ra guang nano kalo mabanis. Aku, Tuhan nakaindagu noyo.”

JIRIMIA 51:50

Indagu Tuhan ra ulun Nano giu' ra Babilonia, “Nakalabus kano intor ra kapatayan. Raino pagiru' kau! Pai' kano paginaa! Kabalu' pana maalur kau intor ra baloi, karaa' min Aku, Tuhan min, am karaa' min Jirusalim.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.

AMOS 5:4

Indagu Tuhan ra ulun ru Israil, “Saguli' kano Raki', am akau pana maayag.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 26:16

“Paat ra orou raiti' Tuhan i Aki Kapuuno' mino nanusub ramuyun maa' raginio gumagaya' ra ngaangai' ukum Nano. Ginio ra gagayaa' noyo ukum-ukum no ra matanda' am ra sotopot-topot ru guang am salibuor min.

SAGULION 30:10

Kaa' akau musiti' gumagaya' ra Tuhan i Aki Kapuuno' min am maya' ra ngaangai' ukum Nano ondo' natulisan ralalom ru Kitab ti, ondo' makasuang ra pangilaan Nano. Musiti' kau sumaguli' Riso ra sotopot ru guang.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

JOSUA 22:5

Tutuno' noyo ra akau giminagaya' ra ukum ondo' tinaakan ri Musa: Tagami' noyo Tuhan i Aki Kapuuno' min, baalo' noyo kasagaan Nano, gagayaa' parinta Nano, gagaya' no Riso, am pangandoi ayuk Riso ra sototopot ru guang am salibuor.”

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”