SAGULION 4:27 - Tanou Moonsoi Timugon

²⁷ Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

SAGULION 4:27 ပူးပေါင်းရင်းမြစ်များ

KASAUKAN 11:4

Indagu ilo, “Raino pambaal takau ra bandar am manara ondo' makasuku' ra lingkatur ru limbowon maa' raginio itakau mauligan kaga' ru ulun am kalo makapantuliar ra titikop ru tana' ti.”

KASAUKAN 34:30

Indagu i Jakub ri Simion am i Liwi, “Napakapagon kau raki'. Raino ulun ru Kanaan, ulun ru Piris am ngaangai' mamagun ru pagun ragitio mangasisang raki'. Ulun takati kalo masuang, amon pantutuluk mamagun no koson gula' am bulunsar raki', itakau sasambaloi ti maluus.”

NIGIMIA 1:3

Nantunung ilo ra ulun ragili ondo' pinatiran ondo' siminaguli' noyo ra pamagunan galama', raino naayag ra naimbolo' am inasaban ru bansa'-bansa' ra bokon ondo' minayan giu' ra paginggaar nilo. Inambai poyo ra timbok ru Jirusalim lakat poyo nangalunsai, am kulobon-kulobon garabang nano kalo poyo pinuna' intor ra nosolob ragili.

MAZMUR 106:27

am pantutuliaron No papag nilono ra ngaangai' bansa', saboi matoi ilo giu' ra pagun-pagun suai.

MAZMUR 44:11

Sinauk Mu akai nagiru' intor ra pantula', am ginaau nilo ngaangai' kuliamos maili.

MAZMUR 44:12

Polosoon Mu akai simbaluyon koson ra domba, pinantutuliar Mu akai ra pagun suai.

JISAYA 17:6

Kalo kukula' ulun ondo' mabayag. Bulintok raginio Israil masauk koson ra puun ru jaitun ondo' kawa' nano nakai' kaupu', am soroi kukula' ngaunor ayuk tampilon ra untu kapoam raan ra magana'. Aku, Tuhan, i Aki Kapuuno' ru Israil, minindagu noyo.”

JIRIMIA 16:13

Ginio ra pagiruon Takamin intor ra pagun ti am patirin kau giu' ra rondo' pagun ondo' totopot kalo natutunan min am kinamatuaan min. Giu' no mangandoi kau ayuk ra tuhan-tuhan ra bokon ra orou am rondom, am kalo makaasi' Aku ramuyun.’ ”

YEHEZKIEL 11:16

“Balai' gino ngai' ru bansa' muno ralalom pamatiran ra Aku noyo ondo' nangator risilo ra maalur mongoi ra bansa'-bansa', am niayuk nampatutuliar risilo giu' ra pagun-pagun ra bokon. Kaa' koson liliwa' raginio, maya' Aku risilo giu' ra intok raginio.

YEHEZKIEL 12:15

Pantutuliaron Ku ilo ra gino ngai' ru bansa'-bansa' ra bokon giu' ra pagun ra bokon, bagu no makaliman ilo ra Aku noyo Tuhan.

YEHEZKIEL 20:23

Ginio ra binantu' Ku poyo giu' ra tana' kaagisan no. Nagibot Aku ra mampatutuliar Aku risilo ra titikop ru tana' ti.

YEHEZKIEL 22:15

Pantutuliaron Ku mamagun muno ra ngaangai' pagun am bansa'. Langgain Ku binaal muno ra malaat no.

YEHEZKIEL 32:26

“I Misik am i Tubal soroi ra giu', liniputan ru lobong-lobong ru saujor nilo. Ilo ngaangai' kalo nakaulig ri Aki Kapuuno', am ilo ngaangai' minatoi ralalom pangayawan. Kaa' rondo' paat ragili nampalalaa' ilo ra ulun naayag.

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

GOSIA 9:17

I Aki Kapuuno' ondo' sambaan Kuno mangimpai ra ulun Nano, sabap kalo riminongog ilo Riso. Masauk ilo ra ulun tumanggau ra gino ngai' ru bansa'- bansa'.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

JAKARIA 7:14

Koson ra bagiu' mapuor, kinuliagai Ku ilo saboi ilo minayan kalalaat giu' ra pagun ra bokon. Tana' ondo' malabung ti nasauk ra mapua', masiluk kaga', am kolondo' ulun minayan.”

SAGULION 28:36

“Tuhan mamatir ramuyun am raja' min giu' ra pagun ru bansa' ru bokon, intok ondo' kalo igondo' kasauk ra ayanan min kapoam kinamatuaan min. Giu' no mangandoi kau ra tuhan-tuhan ondo' binaal intor ra tataun am batu.

SAGULION 29:28

Sangit ru Tuhan no moporos kaga' saboi bubulon No ulun ru Israil intor ra pagun nilo, am patirin ilo ra tana' ru bansa' ru bokon saboi ra orou raiti'.’

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.