SAGULION 4:23 - Tanou Moonsoi Timugon

²³ Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 4:23 ပူးပေါင်းရင်းမြစ်များ

2 RAJA'-RAJA' 17:38

am pai' liliani' nabantuan ondo' binaal Kuli ramuyun. Pai' samba ra tuhan-tuhan ra bokon,

1 TUNUNG RU BANSA' ISRAIL 16:15

Pai' liliani' nabantuan Nano ondo' nasauk koson ra sabubuoi no,

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

YEHEZKIEL 8:10

Aku pana siminubol am nagilong. Rinding ra giu' no linukisan ra ngaangai' salinut ru bibiag mamuntana' am bibiag majamol ra bokon, am niayuk gambar ru sinungkalalaing ondo' sambaan ru ulun ru Israil.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

MATIUS 24:4

Taam i Jisus, “Ilalai', am pai' min polosoo' osoi ayuk pana mamparuung ramuyun.

LUKAS 12:15

Indagu poyo i Jisus risilo ngaangai', “Karaa' min, am ilalain kalit mino. Sabap ra sotopot no, sala' ka kuliamos ondo' maatang ra kaayagan ru ulun, kabalu' pana langkaya' io kakaga'.”

LUKAS 21:8

Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

SAGULION 16:22

Pai' tirongo' lugu' batu tayar ru sumamba ra sinungkalalaing giu' ra intok raginio. Masisang Tuhan i Aki Kapuuno' min ra baal raginio.”

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 27:9

Kopongo raginio i Musa, nabaya' ra imam-imam ru Liwi, minindagu ra ngaangai' ulun ru Israil, “Rongogo' noyo, ulun ru Israil kau ngai' am tutuno'. Paat ra orou raiti' nasauk kau noyo ra ulun ru Tuhan i Aki Kapuuno' min.

SAGULION 29:25

Taaman no iono, ‘Sabap ra liminungkang ulun ru Tuhan ra nabantuan ondo' binaal nilo ra Tuhan i Aki Kapuuno' ru kinamatuaan nilo, atika Io nagibit risilo miningkual intor ra Misir.

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 5:2

Nambaal noyo Tuhan i Aki Kapuuno' takau ra rondo' nabantuan ritakau giu' ra Gunung Sinai.

SAGULION 6:12

pagilalain maa' raginio kalo malilianan min Tuhan ondo' nagibit ramuyun miningkual intor ra Misir, intok min inulipon ragili.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

JOSUA 23:11

Ginio ra musiti' kau totopot motogom ra Tuhan i Aki Kapuuno' min.

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”