SAGULION 4:19 - Tanou Moonsoi Timugon

¹⁹ Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

SAGULION 4:19 ပူးပေါင်းရင်းမြစ်များ

KASAUKAN 1:14

Indagu boo i Aki Kapuuno', “Moonsoi ru makasinda sumalula' intor ra limbowon koson mapatawang ra tana' ti, koson mapatuliar ra matawang intor ra molondom am niayuk koson mapakito ra nasuku' noyo talimpuunan paat ru orou, bilor am orou pangiantakan ru ugama.” Baal raginio pana nasauk.

KASAUKAN 2:1

Ginio noyo baal ru napasaukan ra limbowon am tana' ti am ngaangai' suang no.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

2 RAJA'-RAJA' 21:3

Binaal no saguli' intok-intok sumamba ra sinungkalalaing ondo' pinuso noyo ru ama' nali, Raja' Gijkia. Nambaal Raja' Manasi ra altar koson sumamba ra Baal am mambaal ra sinungkalalaing Dewi Asyira, koson ra ondo' binaal ru Raja' Agab, panguasa' ru Israil.

2 RAJA'-RAJA' 23:11

Namatir niayuk Raja' Josia ra ngaangai' kuda ondo' timpokon ra raja'-raja' ru Jiuda koson sumamba ra mato ru orou. Nonolob io ra ngaangai' kurita' kuda ondo' pakayon koson sumamba ra mato ru orou. (Kuliamos-kuliamos raginio binulian giu' ra liliut Baloi ru Tuhan, mamaar ra kulobon garabang, kalo maalur intor ra intok inayanan ri Natan Milik, sangulun pagawai maatang.)

2 TUNUNG RU BANSA' ISRAIL 33:3

Raja' Manasi nambaal saguli' ra intok-intok sambaan ra sinungkalalaing ondo' pinuso ru ama' nali Raja' Gijkia. Binaal ru Raja' Manasi altar koson sumamba ra Baal am nambaal ra sinungkalalaing Dewi Asyira. Io niayuk sumamba ra butitin-butitin.

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

MAZMUR 19:3

Sangarawan mapabala' ra orou sumunu' no, am sarandaman mapabala' ra rondom sumunu' no.

JIRIMIA 19:13

Ngaangai' baloi giu' ra Jirusalim am ngaangai' baloi ru raja'-raja' ru Jiuda masauk ra majamol koson ra Topit, sabap giu' ra taap ru baloi, nonolob ulun ra kaminyan tayar ru dewa-dewa ru limbowon am nampataak ra wain ra dewa-dewa ra bokon.”

JIRIMIA 31:35

Pinaatang ru Tuhan mato ru orou koson mampasinda ra matawang, am pinaatang No bulan am butitin koson mampasinda ra rondom. Mangkinibit Io ra timug ru raat mangkinulun am gogolon, am inggalan Nano Tuhan Ondo' Maayo Kaga' Kuasa'.

JIRIMIA 33:25

Kaa' Aku, Tuhan, mokoondo' ra nabantuan ra matawang am rondom, am nambaal Aku ra ukum ondo' manguasa' ra limbowon am tana' ti.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

YEHEZKIEL 18:6

Kalo sumamba io ra sinungkalalaing ru ulun ru Israil, kapoam mangakan ra taak simbalui ondo' pinataak giu' ra intok-intok sambayangan. Kalo suminto io ra andu' ru ulun ra bokon, kapoam makimarulug ra ruandu' ondo' tatanga' liuran.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 7:42

Ginio ra iruani' ilo ri Aki Kapuuno' am polosoo' No ilo sumamba ra butitin. Koson noyo ondo' tinulisan ra Kitab ru Nabi, ‘Alii boo ramuyun, ulun ru Israil! Pai' ru sinimbalui min ginio am pataakon Raki', kabalu' pana apat ngoopor ngambilor buoi min giu' ra tana' kaagisan.

ROMA 1:25

Pangilaan motopot intor ri Aki Kapuuno' aligin nilo boo ra abau. Maansayan ilo sumamba am mongompor ra atan ondo' sinauk ri Aki Kapuuno' ka i Aki Kapuuno' galama', ondo' sotopot no omporon ra sabuoi-buoi no! Amin.

SAGULION 13:10

Bobolo' noyo io saboi matoi! Kuminam io mapainggalur rirun intor ra Tuhan i Aki Kapuuno' min, ondo' namayag noyo ramuyun intor ra Misir, intok min inulipon ragili.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

SAGULION 17:3

am niayuk susuban ru Tuhan sabap ra ilo siminamba am nangandoi ra tuhan-tuhan ra bokon, kapoam ra mato ru orou, kapoam ra sila', kapoam ra bibiag-bibiag.

SAGULION 4:18

bibiag mamuntana' kapoam papait.