SAGULION 4:16 - Tanou Moonsoi Timugon

¹⁶ kalo makatula kau ra mambaal ra sinungkalalaing ra akau galama' ralalom ru atan pana baal no, iou pana ra baal ru ungkuyon kapoam ruandu',

SAGULION 4:16 ပူးပေါင်းရင်းမြစ်များ

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 44:13

Ulun manukang ra tataun manuku' ra tataun. Lukison no pagulu baalon nano mamakai ra kapur, puusin no mamakai ra kuliamos nano, am saukon no ra sinungkalalaing natilu ra ulun ondo' maindon, am pabantaan no ra ralalom ru baloi nano.

YEHEZKIEL 8:10

Aku pana siminubol am nagilong. Rinding ra giu' no linukisan ra ngaangai' salinut ru bibiag mamuntana' am bibiag majamol ra bokon, am niayuk gambar ru sinungkalalaing ondo' sambaan ru ulun ru Israil.

IMAMAT 19:4

“Pai' samba ra sinungkalalaing. Pai' pambaal ra sinungkalalaing intor ra logam am pai' samba raginio. Aku noyo Tuhan i Aki Kapuuno' min.

IMAMAT 26:1

Indagu Tuhan, “Pai' pambaal ra sinungkalalaing, am pai' patirongo' patung, lugu' batu sinungkalalaing kapoam batu inukir ra sambaan. Aku noyo i Tuhan i Aki Kapuuno' min.

JUANIS 4:24

I Aki Kapuuno' no Ambiluo am ra indangan ayuk ru Ambiluo ri Aki Kapuuno' no ulun makasamba ri Aki Kapuuno' ondo' motopot.”

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

SAGULION 16:22

Pai' tirongo' lugu' batu tayar ru sumamba ra sinungkalalaing giu' ra intok raginio. Masisang Tuhan i Aki Kapuuno' min ra baal raginio.”

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 5:8

‘Pai' pambaal ra sinungkalalaing tayar rirun, sinungkalalaing ondo' salu ru atan pana ondo' soroi giu' ra limbowon, giti ra tana' ti, kapoam giu' ralalom ru timug ra ragana' ru tana' ti.

SAGULION 5:9

Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

SAGULION 9:12

Kopongo raginio indagu Tuhan raki', ‘Kataki' noyo tuun giu' ra lonson toojo ru gunung, sabap ulun ondo' tiningganai muno miningkual intor ra Misir no nambaal noyo ra malaat. Timinalikur ilo noyo intor ra susuban Kuno, am nambaal noyo ra rondo' sinungkalalaing tayar nilo galama'.’

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.