SAGULION 4:10 - Tanou Moonsoi Timugon

¹⁰ intor ra orou raginio, paat akau minigor giu' ra saang ru Tuhan i Aki Kapuuno' min giu' ra Gunung Sinai. Paat raginio minindagu Io raki', ‘Timungo' ngaangai' ulun ragitio. Masaga' aku risilo rumongog ra bala' Kuno maa' raginio migila' ilo gumagaya' Raki' sabuoi ru bayag, am maa' raginio mangila' ilo ra anak-anak nilo koson gumagaya' Raki'.’

SAGULION 4:10 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

MAZMUR 145:4

Binaal Muno omporon ru ulun intor ra rondo' sayat saboi ra rondo' sayat; potonowon nilo binaal Muno ondo' makaimuag.

KAINGKUALAN 19:1

Iruani' boo ru ulun ru Israil Rapidim. Paat ra orou kasaa' sila' katalu ra ilo nakaingkual intor ra Misir, nakasaboi ilo ra tana' kaagisan Sinai. Nangkim ilo ra giu' no, lonson toojo ru Gunung Sinai.

KAINGKUALAN 19:11

am mopongo ra orou malaas. Paat ra orou raginio tumuun Aku ra Gunung Sinai. Giu' no moonong ulun makakito Raki'.

KAINGKUALAN 19:16

Paat ra orou ra katalu, ra iosusuab, makatimpalak am makaganit ra rasawat ru gunung. Makito gaun makapal ra giu' no, am maining bolos ru bujung ondo' mosongou kaga'. Moonong ulun ra pangkiman no nonontol ra malaa'.

KAINGKUALAN 19:9

Indagu Tuhan ri Musa, “Matong Aku ramuyun ralalom ru gaun makapal maa' raginio makaining ulun ra Aku mindagu rirun; intor raginio masalok ilo boo mangintopot rirun.” Pinasaboi ri Musa taaman ru ulun raginilo ra Tuhan.

KAINGKUALAN 20:18

Pakaining ulun ru Israil ra bolos ru tingkalur am bujung, am niayuk nakakito ra ganit am gunung makalisun, nonontol ilo nangalaa' am mininggalur intor ra giu' no.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JISAYA 38:19

Ulun naayag ayuk mongompor Rirun, koson ragino ra aku mongompor Rirun. Ama' nantunung ra gagaya' Muno ra anak nilono.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

SAGULION 11:19

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

SAGULION 12:1

“Raino rongogo' noyo ngaangai' ukum ondo' musiti' gagayaan buoi akau mayan giu' ra tana' ondo' taakin ru Tuhan i Aki Kapuuno' ra kinamatuaan min.

SAGULION 14:23

Kopongo raginio ongoi noyo ra rondo' intok ondo' pinili' ru Tuhan i Aki Kapuuno' min koson ra intok sambayangan. Giu' ra saang ru Tuhan i Aki Kapuuno' min, giu' ra intok pinili' Nano, akano' noyo taak sampiopor raginio: unor-unaran, wain, umau jaitun, anak katuaan ru sapi' am anak katuaan ru domba min. Baalo' noyo koson raginio maa' raginio magail kau migila' mangurumat ra Tuhan i Aki Kapuuno' min.

SAGULION 17:19

Kitab no musiti' masalok paumbiron ra raja', am musiti' io mambasa' ra kitab no buoi io maayag, maa' raginio migila' io mangurumat ra Tuhan am totopot gumagaya' ra ngaangai' susuban ralalom ru kitab no.

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 5:2

Nambaal noyo Tuhan i Aki Kapuuno' takau ra rondo' nabantuan ritakau giu' ra Gunung Sinai.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

PINAINTALANG 19:5

Morongog boo intor ra takhta no bolos mindagu, kono, “Akau ngaangai'; ulipon Nano am ngaangai' ulun, langkaya' am musikin am ondo' mangurumat Riso; Koompor noyo i Aki Kapuuno'.”

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.