SAGULION 34:4 - Tanou Moonsoi Timugon

⁴ Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 34:4 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

UNTABAN 20:12

Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

SAGULION 1:37

Sabap ra akau, siminangit niayuk Tuhan raki' am indagu, ‘Musa, okou pana kalo mokoongoi ra tana' raginio.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 32:52

Monontong kou ra tana' no intor ra maalur, kaa' kalo mokoongoi kou ra tana' ondo' taakin Kuno ra ulun ru Israil.”

JOSUA 21:43

Ginio noyo nanaak Tuhan ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

TINGGANAI RU BANSA' 1:16

Papag ru iwan ra ungkuyon ri Musa, iono ulun ru Kini, minugar nababaya' ra bansa' ru Jiuda intor ra Jiriko, bandar ru puun kurma. Ilo pana minongoi ra tana' mapua' giu' ra tampilon rabugus ru Arad ra wilayah ru Jiuda. Minayan ilo ra giu' no ra gino ngai' ru ulun ru Amalik.