SAGULION 33:29 - Tanou Moonsoi Timugon

²⁹ Akau Israil, maansukan kau kaga'! Kolondo' osoi pana koson ramuyun, bansa' ondo' binayag ru Tuhan. Tuhan galama' noyo ondo' nasauk ra perisai am ilang min, koson manaung ramuyun am manaak ramuyun ra kamanangan. Matong pantula' min makimasi', am kikinjangin min ilo.

SAGULION 33:29 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

2 SAMUIL 22:3

I Aki Kapuuno' kuno intok sindungan kuno, maayag aku mabaya' Riso. Manindung Io raki' koson ra perisai; manaung am magalung Io raki' maa' raginio maayag aku. Io mamamayag kuno; Io manindung raki' am mamayag raki' intor ra kalaatan.

2 SAMUIL 22:45

Bansa' ru bokon kumuku' raki', am gumagaya' paat ra ilo mokorongog ra susuban kuno.

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

2 TUNUNG RU BANSA' ISRAIL 31:8

Paat ra Raja' Gijkia am pagawai-pagawai nakakito ra mapara' boo suang ru taak ondo' tinaakan no, nongompor ilo ra Tuhan am nongompor ra ulun Nano, ulun ru Israil.

MAZMUR 1:1

Pakaansuk noyo ulun ondo' kalo maya' ra ragu ru ulun malaat, kalo maya' ra paliso ru ulun makatula, kapoam lumatok ra ulun ondo' magasab ri Aki Kapuuno',

MAZMUR 144:15

Pakaansuk noyo bansa' koson raginio, pakaansuk noyo ulun ondo' i Aki Kapuuno' nilono Tuhan!

MAZMUR 18:44

Namayag Kou raki' intor ra ulun mangalaat, am mapasauk raki' mamarinta ra ngaangai' bansa'; bansa' ra kalo nauligan kuno masauk ra mamagun kuno.

MAZMUR 18:45

Bansa' ra suai pagun kumuku' malaa' raki', am gumagaya' mangkirongog ra panusuban kuno.

MAZMUR 32:1

Mazmur ri Daut. Sisindiron. Pakaansuk noyo ulun ondo' tula nilono inampun noyo, ondo' kasalaan nilono inampun noyo.

MAZMUR 32:2

Pakaansuk noyo ulun ondo' kalo inuwan ru Tuhan sabap ra kalaatan nilono, am ondo' kalo masaga' mamparuung.

MAZMUR 33:12

Pakaansuk noyo bansa' ondo' mangiou ra Tuhan noyo i Aki Kapuuno' no; pakaansuk noyo bansa' ondo' pinili' koson ra longgom Nano!

MAZMUR 33:20

Malansan takau ra Tuhan; Io noyo mangingindangan am manindung ritakau.

MAZMUR 45:3

Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

MAZMUR 68:34

Riso ondo' makasail ra limbowon ra galing i. Rongogo' pampiawan Nano ra mosongou.

MAZMUR 7:12

I Aki Kapuuno' noyo akim ra matimpok, ondo' magail mangukum ra ulun malaat.

MAZMUR 81:15

kalaan Ku pantula' nilono ra mataki', am kukumin ngaangai' pantula' nilono.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 58:14

Akau pana maansukan sabap ra mangurumat Raki'. Saukon Takamin ra urumaton ra titikop ru tana'. Bayag mino mototop ra bansuk intor ra tana' longgom ri Jakub, kinamatuaan min. Aku, Tuhan minindagu noyo.”

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 47:6

Golok kau, ‘Okou ilang ru Tuhan! Saboi sanggilan kia okou mompopot? Saguli' no ra angkap muno, ayan no ra giu' no am tangus no.’

GOSIA 13:9

Mamuso Aku ramuyun, ulun ru Israil kau! Osoi kia makapangindangan ramuyun?

AMOS 8:7

Tuhan, i Aki Kapuuno' ru Israil nagibot noyo, “Totopot kalo lilianin Ku binaal nilo ondo' malaat.

ABAKUK 3:19

Okou noyo Tuhan Raja' ondo' nangani' raki' ra kaikangan, koson ra kalayam ru tambang, kalayam kuno kinaikang Mu, am pamayagan kuno inalungan Mu giu' ra kagunungan.

UNTABAN 24:5

Kim-kim ru Israil moonsoi toojo,

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 32:13

“Nangiou Io risilo mamarinta ra gunung-gunung, mangakan ilo ra ampos ru tinanom giu' ra umo-umo. Nakaalap ilo ra ruu' maningot ru kataunan giu' ra bulur batu; puun jaitun nilo timinuu' ra malabung giu' ra tana' ondo' makabatu.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?

SAGULION 4:34

Igondo' kia mokoondo' rondo' tuhan ondo' baani mangalap rondo' ulun intor ra bansa' ra bokon am saukon ulun raginio ra ulun nano galama', koson ondo' binaal ru Tuhan i Aki Kapuuno' min tayar min giu' ra Misir? Giu' ra talupak ru mato min galama' namakai Io ra kuasa' am kaikangan Nano ondo' maayo; maparatong Io ra maruol tumapik am pangayawan, mambaal ra kaimuagan am makaimuag, am niayuk mangkinibit ra baal makalalaa' masauk.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

PINAINTALANG 1:16

Kalindu' pamiris Nano nampaguut ra tulu' butitin am intor ra kabang Nano miningkual rondo' ilang ruo larom. Bulos Nano makasinda koson ra pangit ru mato ru orou.

PINAINTALANG 19:21

Saujor nilono napatoi ra ilang ondo' miningkual intor ra kabang ru nangura' ra kuda mapulak no. Ngaangai' kanui pana minatong boo am nangakan ra baangkai ru namagatoi suku' naasug.

TINGGANAI RU BANSA' 7:20

Karuruo pulalai ra bokon no pana nambaal raginio. Kinayang nilo ngaangai' pilasut ra kalindu' ra kait, am bujung ra kalindu' ra pamiris, am golok, “Ilang ti tayar ru Tuhan am tayar ri Gidion!”