SAGULION 33:22 - Tanou Moonsoi Timugon

²² Intor ra bansa' ru Dan, indagu io, “Koson i Dan ra sanginan singa' mamulok ondo' tuminindak mingkual intor ra Basan.”

SAGULION 33:22 ပူးပေါင်းရင်းမြစ်များ

AYUP 37:1

Angin mapuor kaga' mokotontol raki'; pusu' kuno mimbuor ra maribok.

YEHEZKIEL 19:2

Ina' min koson ra singa' ruandu' ondo' totopot baani. Nampasukor io ra anak-anak nano ra gino ngai' ru singa'-singa' ungkuyon ondo' masangit.

YEHEZKIEL 19:3

Nampasukor io ra rondo' anak am nangila' riso mansaam; am anak no pana nasauk ra mangakan ra ulun.

JOSUA 19:47

Paat ra bansa' ru Dan napusaan ra tana', minongoi ilo ra Lisim am namulunsar ra bandar raginio. Ginaau nilo bandar raginio, namatoi ra mamagun nano am nanguasa' ra bandar no. Minayan ilo ra giu' am nangalig ra inggalan ru bandar no intor ra Lisim nasauk ra Dan, sumugut ra inggalan ru kinamatuaan nilo.

TINGGANAI RU BANSA' 13:2

Paat raginio, mokoondo' sangulun ungkuyon makainggalan ri Manoa, intor ra bandar Jora. Intor io ra bansa' ru Dan. Tabanang andu' nano.

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.

TINGGANAI RU BANSA' 14:6

Namulali' i Simson maikang ru kuasa' ru Tuhan. Bibinsango' boo ri Simson singa' no ra kalindu' nano, koson ayuk bibiag no ra sanginan anak kambing. Kalo nambala' i Simson ra matuo nano ra baal raginio.

TINGGANAI RU BANSA' 15:15

Katuum boo ri Simson rondo' bungul ru salura ru kaladai ondo' bagu minatoi. Alapo' no bungul no am namakai raginio koson pinamatoi ra saribu ngaulun.

TINGGANAI RU BANSA' 15:8

Io pana namulunsar ra ngaangai' ulun no ra malaat am namatoi ra masuang intor risilo. Kopongo raginio nansibuni io giu' ra luang batu giu' ra bulur batu giu' ra Itam.

TINGGANAI RU BANSA' 16:30

golok io, “Polosoon noyo aku matoi mababaya' ra bansa' ru Palistin ti!” Juuli' no lugu'-lugu' no ra nakai' ikang nano, am kapuut bangunan no am nakatiu' ra limo ngaulun raja' ru Palistin am ngaangai' ulun ra giu' no. I Simson pana minatoi, kaa' paat ra pinatayan nano namatoi io masuang poyo ulun intor ra paat io naayag.

TINGGANAI RU BANSA' 18:27

Kaalap noyo ru ulun ru bansa' ru Dan ra imam am kuliamos ru sambayang binaal ri Mika no, minongoi ilo bulunsar ra Lais, bandar ru ulun ondo' mamimio am moonsoi. (Bandar no giu' ra Pipit ondo' nogondo' ra bandar Bit-Rigob.) Ulun ru bansa' ru Dan namatoi ra ngaangai' mamagun no am nonolob ra bandar no. Kolondo' sangulun pana ondo' namayag ra mamagun ru bandar no, sabap ra Lais maalur intor ra Sidon am ilo kolondo' pabukatan ra osoi pana. Ulun ru bansa' ru Dan pana nambaal saguli' ra bandar no, am ayan ilo ra giu' no.