SAGULION 33:2 - Tanou Moonsoi Timugon

² Minatong Tuhan intor ra Gunung Sinai; Siminila' io koson ra mato ru orou giu' ra rasawat ru Idom, am intor ra Gunung Paran simininda Io ra ulun Nano. Riribu malaikat mabaya' Riso; ra kalindu' pamiris Nano mokoondo' ra apui ondo' bibilak.

SAGULION 33:2 ပူးပေါင်းရင်းမြစ်များ

1 RAJA'-RAJA' 11:18

Kukula' ngaulun ru Idom ondo' lakat poyo naayag no nangiruan ra Midian am minongoi ra Paran. Giu' no kukula' ngaulun poyo minamung risilo, am minongoi ilo ra Misir am minuma' ra raja' ru pagun no. Raja' ru Misir nangani' ri Gadad ra baloi am niayuk akanon.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

MAZMUR 68:18

Ralalom kaaparan ribu ru kurita' kuda Nano ra maayo, matong Tuhan intor ra Sinai mongoi ra intok ondo' matulai no.

KAINGKUALAN 23:20

“Manusub Aku ra malaikat Kuno sumigulu ramuyun koson mangampin ramuyun ralalom pangkiralanan am magibit ramuyun ra intok ondo' tinampos Ku noyo.

DANIL 4:13

“Tatanga' ra aku mangkara' ra pinaintalang no, nakito ku rondo' malaikat timinuun intor ra suruga'. Nakatampos am pagilalain ru malaikat no.

ABAKUK 3:3

Matong Kou poyo intor ra Idom; Okou i Aki Kapuuno' ondo' matulai matong intor ra Kabuluran Paran. Katulayan Muno nakatikop ra limbowon; tana' ti natikop ra pangamparan Rirun.

UNTABAN 10:12

Nansusunu' boo ulun ru Israil minugar nangiruan ra Tana' kaagisan Sinai. Uog boo gaun no giu' ra tana' kaagisan Paran.

RINALATAN 7:53

Akau no niayuk nakaapu ra susuban ri Aki Kapuuno' ondo' pinataak ru malaikat-malaikat ramuyun, kaa' kalo nai sinugut min!”

2 KORINTUS 3:7

Paat ra ukum ri Musa i tinulisan ra rondo' batu pamatikan, katulayan ri Aki Kapuuno' pana pinaintalang noyo. Kabalu' pana sinda ru katulayan ra bulos ri Musa moboot noyo, kaa' mapaang kaga' saboi ulun ru Israil kalo nokoponontong ra bulos nali. Amon ru Ukum ri Musa ondo' nangkinibit ra kapatayan no, inanian niayuk mabaya' ra katulayan maayo,

2 KORINTUS 3:9

Amon ru nabantuan ondo' nangkinibit ra pangukuman matulai noyo, mulu' poyo kinatulai ru nabantuan ondo' magibit ra ulun mobonsoi ri Aki Kapuuno'.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 4:24

Gitio koson ra rondo' pagabigan. Ruo ngaulun ruandu' no popogondoon koson ra ruo nabantuan. Rondo' no am i Agar. Io ti koson ra nabantuan ondo' binaal giu' ra Gunung Sinai am ondo' papag nano ulipon ayuk.

SAGULION 5:22

“Ginio noyo ukum-ukum ondo' pinatinaak ru Tuhan ramuyun ngaangai' paat akau timinimung giu' ra gunung raginio. Paat Io minindagu ra bolos ondo' mosongou intor ra apui am gaun ondo' makapal no, nanaak Io ra ukum-ukum raginio ayuk. Io pana nanulis ra ukum-ukum raginio ra ruo batu tulis, am pinataak ginio raki'.”

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

IBRANI 12:20

Sabap ra kalo tumaan ilo mangkirongog ra panusuban Nano ra Io minindagu, “Amon ru sanginan bibiag ayuk pana manginjang ra gunung ti, musiti' io bobolon ra batu saboi matoi.”

IBRANI 2:2

Motopot bala' ondo' pinasaboi ru malaikat-malaikat ra kinamatuaan takali am osoi ayuk kalo giminagaya' kapoam siminugut no, binalasan maya' ra binaal nilai no.

JUDAS 1:14

I Ginok, papag ri Adam ra katulu', ondo' ra galing i noyo nanala' raginio intor risilo, kono, “Ilai' noyo, makito Tuhan matong mabaya' ra kukula' ngaribu malaikat Nano.

PINAINTALANG 5:11

Kakito ku poyo, am korongog ku bolos ru malaikat, ondo' riribu am jujuta' suang no. Liminiput ilo bigor ra takhta no nabaya' ra kaapat ilo ondo' maayag am tingganai-tingganai no.