SAGULION 33:16 - Tanou Moonsoi Timugon

¹⁶ Gama' ru mapanu' tana' nilo ra ngaangai' ondo' moonsoi, tana' ondo' barakaton ra kinoonsoi ru Tuhan, Io ondo' igondo' minindagu intor ra bulungkut ondo' bibilak. Gama' ru barakat-barakat ragitio pasasaron ra papag ri Jusup, sabap ra io tingganai ra gino ngai' ru pongkotob nano.

SAGULION 33:16 ပူးပေါင်းရင်းမြစ်များ

KASAUKAN 37:28

am paat ra mansail kukula' ngaulun mantatalan ru Midian, ingkualo' ru pagaka'-pagaka' nano i Jusup intor ra tulubong no am talano' nilo io ra ulun ru Ismail no ra logo ruo ngoopor ngampila' ruit pirok. Ibito' boo i Jusup ru ulun ru Ismail no ra pagun ru Misir.

KASAUKAN 37:36

Liliwa' raginio, giu' ra pagun ru Misir, talano' i Jusup ru ulun ru Midian no ri Potipar, iono sangulun intor ra pagawai ru raja' ondo' naningganai ra magagalung ru istana raja'.

KASAUKAN 37:8

Pangkuot pagaka'-pagaka' nano, “Mampaguang kou kia sumauk ra raja' am mamarinta ramon ngaangai'?” Ginio ra liminanja' sisang nilo ri Jusup sabap ra inupi nano am ra atan ondo' pinabala' no intor ra inupi nano.

KASAUKAN 43:32

Mangakan i Jusup ra rondo' mija' nakatuliar, pagaka'-pagaka' nano mija' ra bokon. Ulun ru Misir ondo' soroi ra giu' no mangakan ra mija' ra bokon poyo, sabap ra maasaban ilo amon ru magulung pangakan ra ulun ru Ibrani.

KASAUKAN 49:26

Barakat ra masuang gandum am bunga'. Barakat ri Aki Kapuuno' ru ama' muno lumanja' poyo ka intor ra kalangkayaan ru gunung, ondo' matutuo noyo kaga'. Gama' ru poongoyon ngaangai' barakat no ra ulu ri Jusup, ra rabas ru ulun ondo' painggaluron intor pagaka'-pagaka' nano.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 50:12

Amon maitilan Aku, kalo makipakan Aku ramuyun, sabap ra tana' ti am niayuk suang no longgom Kuno.

MAZMUR 89:11

Kuriopolon am potoyon Mu i Ragab; maayo ulun no, am kalaan Mu pantula' Muno ra kaikangan Muno.

KAINGKUALAN 2:2

Naganak boo ruandu' no ra sangulun anak ungkuyon. Kakito no ra mapara' bonsoi ru lalagang no, bunio' no lalagang no buoi talu ngansila'.

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

UNTABAN 26:28

Papag ri Jusup; mokoondo' io ruo ngaulun anak ungkuyon, i Manasi am i Ipraim.

MARKUS 12:26

Ra koson ra ulun matoi bayagon saguli', kalo kia igondo' kau pambasa' ra Ukum ri Musa, koson sampuun tataun magana' ondo' mapaang kaa' kalo nosolob? Ginio mokoondo' tinulisan ra i Aki Kapuuno' minindagu ri Musa, ‘Aku noyo i Aki Kapuuno' ondo' sambaan ri Abragam, ri Isak am ri Jakub.’

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.

1 KORINTUS 10:26

Sabap ra mokoondo' tinulisan ra Buuk Kitab, “Tana' ti am ngaangai' ru suang nano longgom ri Aki Kapuuno'.”

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.