SAGULION 33:14 - Tanou Moonsoi Timugon

¹⁴ Gama' ru mambarakat Tuhan ra tana' nilo ra kikinawa' ondo' maansak giu' ra puun, am manaak risilo ra masuang kawa' paat ra tutukir bulintok.

SAGULION 33:14 ပူးပေါင်းရင်းမြစ်များ

2 SAMUIL 23:4

raja' no koson ra sirang ru mato ru orou ra susuab ti paat ra susuab toojo bulintok ru matawang limbowon no. Io koson ra sirang ru mato ru orou malupus rumasam, ondo' mambaal ra sakot moonsoi kinasansam ra manguliat.”

MAZMUR 104:19

Binangun Mu bulan koson tatandu' ru bulintok; mato ru orou pana makapandai ra paat nano tumolop.

MAZMUR 74:16

Binangun Mu matawang am molondom; inaru' Mu intok ru mato ru orou am bulan;

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

SAGULION 33:13

Intor ra papag ri Jusup, indagu io, “Gama' ru mambarakat Tuhan ra tana' nilo ra rasam, am ra timug intor ra ragana' ru tana'.

SAGULION 33:15

Gama' ru bulur-bulur lair nilo, matauban ru kikinawa' ondo' moonsoi kaga'.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.