SAGULION 33:10 - Tanou Moonsoi Timugon

¹⁰ Mangila' ilo ra ulun Muno am gumagaya' ra Ukum Muno; Mapataak ilo ra taak simbalui giu' ra rasawat ru altar Muno.

SAGULION 33:10 ပူးပေါင်းရင်းမြစ်များ

2 TUNUNG RU BANSA' ISRAIL 26:18

kuminam manginggalar riso. Konilo, “Raja' Ujia, kolondo' kuasa' mu monolob ra kaminyan koson ra Tuhan. Imam-imam ayuk ondo' papag ri Arun ondo' patimpokon noyo koson ra kandoi raginio. Iruani' intok ondo' matulai ti. Makasala kou noyo ra Tuhan i Aki Kapuuno' am kalo boo barakaton No.”

2 TUNUNG RU BANSA' ISRAIL 30:22

Nongompor Raja' Gijkia ra ulun ru Liwi ra katasikan nilo maningganai ra sambayang ra Tuhan. Kopongo tulu' ngoorou ilo nakasia' ra akanon ru pangiantakan am niayuk nampataak ra taak simbalui koson maringkuanang ra Tuhan, i Aki Kapuuno' nilo,

IJRA 7:10

Pinataak ri Ijra kaayagan nano koson mintutun ra Ukum ru Tuhan, nambaal raginio am niayuk nangila' ra ngaangai' inaru' am ukum nano ra bansa' ru Israil.

NIGIMIA 8:18

Moonong orou, intor ra orou kasaa' ru pangiantakan no saboi ra orou pupus, nambasa' i Ijra ra santayaran intor ra Taurat ri Aki Kapuuno' risilo. Nangiantak ilo ra pangiantakan no buoi tulu' ngoorou, am paat ra orou kabalu' nambaal ilo ra upacara kaampusan sumugut ra aturan ru Taurat.

MAZMUR 51:19

Taak kuno iono guang ra natutuk, iou Aki Kapuuno'; guang ondo' naumok am pansagulian, apuon Mu.

YEHEZKIEL 43:27

Mopongo saminggu', imam-imam no musiti' tumalimpuun mampataak ra taak simbalui koson mapabansuk ra guang Kuno am taak simbalui koson makibarakat Raki', giu' ra rasawat ru altar ra tayar ru ulun. Bagu no iowon Ku akau ngaangai'. Aku, Tuhan Raja' nakaindagu noyo.”

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

IMAMAT 1:13

Musiti' ulun no mambagu' ra kalabuat am paa ru bibiag no. Musiti' imam-imam boo mapataak ra ngaangai' taak simbalui no ra Tuhan, am niayuk ngaangai' no solobon ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:17

Susuit no musiti' binsangon ra puun ru kawo, kaa' kalo pandakon kawo no. Musiti' boo solobon susuit no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:9

Ulun no musiti' mambagu' ra kalabuat am paa ru sapi' no, am ngaangai' taak simbalui no musiti' solobon ru imam ondo' mangandoi no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 10:11

Musiti' min ilaan ulun ru Israil ra ngaangai' ukum ondo' tinaakan Ku noyo ramuyun ondo' pinabala' galing ri Musa.”

IMAMAT 16:12

musiti' io magibit rondo' intok ru baa ondo' nototop ra baa ru apui intor ra altar am ruo ngogonggom kaminyan malumot, ibiton boo ngaangai' no mumpos ralalom ru Lamin Matulai Kaga'.

IMAMAT 16:13

Giu' no, giu' ra saang ru Kaban Nabantuan, musiti' io monolob ra kaminyan no am lisun ru kaminyan no manaub ra tataub ru Kaban Nabantuan maa' raginio tataub no kalo makito ri Arun; amon ru makito no tataub no, matoi io.

AGAI 2:11

Mindagu Tuhan, “Pakitaak ra pamatasan ru imam-imam intor ra pangkuatan ragitio:

AGAI 2:12

Amon ru mokoondo' sangulun ondo' nangalap ra sangkinis kual intor ra taak simbalui ondo' pinataak ra Tuhan, am inibit no minuli' ralalom ru liningkom ra sukub nano, kalupus raginio sukub nano nakakambong ra ruti' kapoam rorondo' inansak, kapoam wain, kapoam umau jaitun, kapoam akanon ra atan ayuk, ngaangai' no kia masauk ra matulai niayuk?” Paat i Agai nampasaboi ra pangkuatan no, taam imam-imam no, “Kalo.”

UNTABAN 16:40

Taub no nasauk ra papakaraan ra ulun ru Israil ra kolondo' sangulun pana ondo' ayuk am papag ri Arun makainggaar ra altar monolob ra kaminyan ra Tuhan. Ulun ondo' manggal ra aturan no matoi koson ri Kora am ngaangai' maamaya' nano. Ngaangai' no binaal sumugut ra susuban ru Tuhan ri Iliajar ra pinasaboi galing ri Musa.

UNTABAN 16:46

am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

SAGULION 24:8

Paat ra akau marualan ra maruol ru kungkung ondo' makalalaa', baalo' ra matanda' atan ondo' panusuban ramuyun ru imam bansa' ru Liwi. Bayaa' noyo panuluan-panuluan ondo' pinataakan ku noyo risilo.

SAGULION 27:14

Ulun ru Liwi musiti' mindagu ra ragu ragitio ra bolos mosongou:

SAGULION 33:11

Iou Tuhan, indangano' noyo bansa' nilo masauk ra maikang, gama' ru maansayan kou ra kandoi nilo. Tutuko' noyo ngaangai' pantula' nilo, polosoo' noyo pantula' nilo kalo lumuat saguli'.”

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.