SAGULION 32:5 - Tanou Moonsoi Timugon

⁵ Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.

SAGULION 32:5 ပူးပေါင်းရင်းမြစ်များ

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

KAINGKUALAN 32:7

Indagu Tuhan ri Musa, “Kataki' noyo tuun sabap ra ulun muno ondo' tiningganai muno miningkual intor ra Misir nambaal ra tula am nangimpai Raki'.

AMSAL 8:8

Ngaangai' ondo' raguon kuno motopot, kolondo' rondo' pana mampalayau kapoam nasala.

JISAYA 1:4

Aibui boo ramuyun, alii ra bansa' ra makatula, alii ra ulun ondo' mapuka' am malaat! Tula mino napatibusu ramuyun! Inimpayan min Tuhan, i Aki Kapuuno' ondo' matulai, i Aki Kapuuno' ru Israil am tinatang min Io.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

UNTABAN 23:21

Kolondo' kalaatan ra orou matong ru Israil, Kolondo' kapaganan ra orou matong nilo. Tuhan i Aki Kapuuno' nilo mabaya' risilo; Nangiou Israil Riso ra raja'.

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

LUKAS 9:41

Taam i Jisus, “Akau ti toojo kalo mangintopot am nakalayau! Kalo boo tumaan Aku sumimpung ramuyun!” Indagu boo i Jisus ra ama' ru lalaing no, “Ibito' lalaing muno ragiti!”

JUANIS 8:41

Akau mambaal niayuk ra atan ondo' baalon ru ama' min.” Taam ilo, “Pai' ru anak sawa' akai! Rondo' ayuk Ama' mai, i Aki Kapuuno' galama'.”

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 32:20

‘Kalo boo masaga' aku mangindangan risilo,’ ragu Nano, ‘Masaga' aku magilong ra atan ondo' masauk risilo, ulun ondo' bambalingatan am kalo gumagaya'.

SAGULION 4:16

kalo makatula kau ra mambaal ra sinungkalalaing ra akau galama' ralalom ru atan pana baal no, iou pana ra baal ru ungkuyon kapoam ruandu',

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

SAGULION 9:24

Intor ra aku nakaulig ramuyun, magail kau gumuor ra Tuhan.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.