SAGULION 32:46 - Tanou Moonsoi Timugon

⁴⁶ indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

SAGULION 32:46 ပူးပေါင်းရင်းမြစ်များ

1 TUNUNG RU BANSA' ISRAIL 22:19

Ginio ra, akau mangandoi ayuk ra Tuhan i Aki Kapuuno' min ra sotopot ru guang am sotopot ru salibuor. Talimpuuni' noyo mambaal ra baloi koson ra Tuhan maa' raginio Kaban Nabantuan Nano am ngaangai' kuliamos ra bokon ondo' pakayon timpokon koson ra sambayang mabulian ra giu' no.”

MAZMUR 78:5

Pataakon No ukum ra ulun ru Israil, am panusuban ra papag ri Jakub. Inanian No kinamatuaan takali ra susuban koson pailaan ukum Nano ra anak-anak nilo,

AMSAL 12:28

Ulun ondo' maya' ra ralan motopot kaayagan nano napanu' ra bansuk, ulun ondo' maya' ra ralan malaat makatingkuang ra kapatayan.

YEHEZKIEL 40:4

Indagu ungkuyon no raki', “Okou ulun mapandai matoi, rongogo' toojo am urioo' ngaangai' no ondo' panuluan ku rirun, sabap ra koson kuayan raginio noyo okou inibit ragiti. Balai' ulun ru Israil ra ngaangai' ondo' nakito muno.”

YEHEZKIEL 44:5

am indagu Tuhan raki', “Okou ulun mapandai matoi, ilai' toojo ngaangai' ondo' nakito am norongog muno. Balain Tokou ra aturan-aturan ra tayar ru Baloi Kutu. Ilai' toojo osoi ondo' iowon sumubol ra Baloi Kutu am osoi ondo' inggalarin.

AMOS 5:4

Indagu Tuhan ra ulun ru Israil, “Saguli' kano Raki', am akau pana maayag.

LUKAS 9:44

“Rongogo' am aratio' min bilin Kutu ragitio: Inaru' noyo ra Anak ru Ulun pataakin ra kuasa' ru ulun.”

SAGULION 11:18

Karaa' noyo am ilai' ukum-ukum raginio. Pobongkoso' ukum raginio ra kalindu' am rabas min koson ra pangkaraan.

SAGULION 11:19

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

SAGULION 32:45

Kopongo i Musa nampasaboi ra pangilaan ri Aki Kapuuno' ra ulun raginio,

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.