SAGULION 32:4 - Tanou Moonsoi Timugon

⁴ “Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

SAGULION 32:4 ပူးပေါင်းရင်းမြစ်များ

KASAUKAN 1:31

I Aki Kapuuno' nagilong ra ngaangai' ondo' sinauk Nano am maansayan kaga' Io. Kopongo molondom, masauk boo susuab. Ginio noyo orou ondo' koonom.

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 SAMUIL 22:47

Naayag Tuhan! Omporo' noyo manaung kuno! Potonowo' noyo katulayan ri Aki Kapuuno' Mamamayag kuno!

2 SAMUIL 23:3

Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

NIGIMIA 9:8

Natutunan Mu ra giminagaya' io Rirun, am nambaal Kou ra nabantuan riso. Binantu' Mu koson mangani' riso ra pagun ru ulun ru Kanaan, pagun ru ulun ru Git am ulun ru Amori, pagun ru ulun ru Piris, ulun ru Jibusi am ulun ru Girgasi, koson masauk ra intok ayanan ru papag nano. Sinugut Mu bantu' Muno sabap ra Okou matimpok am gumagaya'.

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 35:14

Ayup, kamu kalo makito mu Io; kaa' inaani' ra guang mokoorot – baal muno soroi giu' ra saang Nano.

AYUP 36:23

Kolondo' osoi pana makapambala' ri Aki Kapuuno' ra atan ondo' musiti' baalon, kapoam manguu' Riso mambaal ra kalaatan.

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 100:5

Tuhan no moonsoi; Tagamin No ulun Nano am gagayaan No ilo ra sabuoi-buoi no.

MAZMUR 138:8

Sinugut Mu ngai' bantu' Muno raki'; iou Tuhan, togom Muno mantilayun. Pai' langgai' mangindangan ra ulun-ulun Muno.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 146:6

Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 18:46

Nairu' boo baani nilai; monontol ilo am miningkual intor ra batu silian.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 31:5

Palabuso' aku no intor ra jajaling ondo' inatang nilo mamatoi raki'; Okou noyo intok kuno sumindung.

MAZMUR 33:4

Bala' ru Tuhan no motopot, am ngaangai' ru binaal Nano maintopot.

MAZMUR 78:35

Makara' nilo ra i Aki Kapuuno' no manindung risilo, ra Io Ondo' Maayo Kaga' Kuasa' no mamamayag risilo.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

MAZMUR 90:16

Patalango' noyo binaal Muno ra makaimuag no ramon, ulipon-ulipon Muno, am kuasa' Muno ondo' matulai pataakon ra papag maino.

MAZMUR 92:15

maaruan ra io no manangkawa' bulintok matutuo, am mantilayun ayuk raun no masansam am maikang.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

MAZMUR 98:3

Suguton No bantu' Nano ra ulun ru Israil, ulun Nano ralalom ru katagaman am gagaya' Nano risilo. Ngaangai' bansa' ra titikop ru tana' ti nakakito noyo ra kamanangan ri Aki Kapuuno' takau.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

MAMPATANOU 3:14

Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

JISAYA 17:10

Alii ra Israil, nalilianan mu i Aki Kapuuno' ondo' namayag rirun, am ondo' nanindung rirun koson ra gunung batu. Kaa' tinanaman mu umo-umo maantak koson ra dewa-dewa.

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

MATIUS 5:48

Sauk kano ra ulun matanda', koson ri Ama' min giu' ra suruga' no matanda'.”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 5:22

I Ama' kalo mangakim ra osoi ayuk pana, kaa' ngaangai' kuasa' mangakim no pinataak No noyo ra Anak.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 2:2

Mapandayan takau ukum ri Aki Kapuuno' no motopot ra mangukum Io ra ulun ondo' mambaal koson raginio.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 3:5

Kaa' amon ru kalaatan takati mampainono' ra i Aki Kapuuno' mabanis guang, atan taaman takau? Makasala kia i Aki Kapuuno' amon ru mangukum Io ritakau? (Ragu kutu maya' ra pangkaraan ru ulun ayuk.)

1 KORINTUS 10:4

Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

SAGULION 10:18

Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 32:18

Nalilianan nilo i Aki Kapuuno', Mamamayag ondo' mapanggol, Nanaak Io risilo ra kaayagan.

SAGULION 7:9

Karaa' noyo ra Tuhan i Aki Kapuuno' min rorondo' ayuk i Aki Kapuuno', am toojo Io manutun. Manugut Io ra nabantuan Nano am magail mapakito ra togom Nano ra saribu papag ru ulun ondo' motogom Riso, am ondo' gumagaya' ra ukum Nano,

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 4:12

Kaa' sotopot no rondo' ayuk ondo' nambaal ra Ukum am poyo makapangukum ra ulun, Io no i Aki Kapuuno'. Am Io ti ayuk ondo' makapamayag am mamatoi ra ulun. Ginio ra, osoi kia akau ti, suku' ra makakau' kau magasab ra pabukat min ra Kristian?

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.