SAGULION 32:36 - Tanou Moonsoi Timugon

³⁶ Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

SAGULION 32:36 ပူးပေါင်းရင်းမြစ်များ

1 RAJA'-RAJA' 14:10

Ginio sabap ra mamparatong Aku ra karaat ra papag muno. Mamatoi Aku ra ngaangai' ru papag muno ondo' ungkuyon, ondo' mamulok am niayuk ondo' matutuo. Liomon Ku sasambaloi muno. Saliiron ilo koson magalus ra majamol.

1 RAJA'-RAJA' 21:21

Ginio ra indagu Tuhan no rirun raja', ‘Maparatong Aku ra karaat rirun. Inggion Tokou am ngaangai' ungkuyon ralalom ru sasambaloi muno, ondo' mangamulok am niayuk ondo' mangatutuo.

2 RAJA'-RAJA' 14:26

Nakito ru Tuhan ra ulun ru Israil naimbolo' kaga', am kolondo' osoi pana mangindangan risilo.

2 RAJA'-RAJA' 9:8

Ngaangai' ulun ru sasambaloi ri Agab am papag nano musiti' matoi. Mamatoi Aku ra ngaangai' ungkuyon ru sasambaloi nano, ondo' mamulok am niayuk ondo' matutuo.

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 135:14

Sabap ra Tuhan manaung ra ulun Nano; makaasi' Io ra ulipon-ulipon Nano.

MAZMUR 50:4

Sinusub No suruga' am tana' ti masauk ra sasi', koson magilong Riso manalasai ra ulun Nano.

MAZMUR 7:8

Patimungo' noyo bansa'-bansa' ra libung Muno, am intor ra panturungan Muno ra suruga' susubo' ilo.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

MAZMUR 96:13

bulintok ra Tuhan matong mamarinta ra tana' ti. Parintaan No namagun ra tana' ti ralalom ru kabanisan ru guang am matimpok.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

JOIL 2:18

Tuhan pana nanulu' ra Io mampalio ra tana' Nano; makaasi' Io ra ulun Nano.

IMAMAT 26:43

Kaa' makapagulu, musiti' pagun no kolondo' soroi ra mamagun no maa' raginio totopot makatangus. Musiti' ulun Kuno maukuman ra ngaangai' ukum, sabap ra marara' gumagaya' ra ukum am susuban Kuno.

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

AMOS 7:6

Nangulau Tuhan ra guang Nano poyo am indagu, “Baal ragitio pana kalo masauk.”

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.