SAGULION 32:35 - Tanou Moonsoi Timugon

³⁵ Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

SAGULION 32:35 ပူးပေါင်းရင်းမြစ်များ

KASAUKAN 4:23

Indagu i Lamik ra karuruo andu' no, “Ada am Jila, iningo' ragu kutu! Namatoi aku ra sangulun tuu'-bagu sabap nangimbolo' io raki'.

2 SAMUIL 22:48

Mangani' Io raki' ra kamanangan ra pantula' kuno; nanguasa' Io ra bansa'-bansa' ra saang kuno,

2 RAJA'-RAJA' 9:7

Potoyon mu sasambaloi ru tuan muno, anak ri Agab no, maa' raginio makapangukum Aku ri Ijibil ondo' namatoi ra nabi-nabi Kuli am ulipon-ulipon Ku ra bokon i.

MAZMUR 94:1

Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

AMSAL 4:19

Kaa' kaayagan ru ulun malaat molondom koson ra rondom. Makasaru ilo am maratu', kaa' kalo mapandayan nilo atan sabap no.

JISAYA 13:22

Bolos ru uku' kataunan am taani mamintanou ra manara-manara am istana-istana. Bulintok ru Babil magagai mamaar noyo, am bulintok no kalo boo kabuoyon.

JISAYA 5:19

Mindagu kau, “Ilai' takau atan baalon ru Tuhan. Polosoon Io mataki' mambaal ra atan rinagu Nano. Polosoon noyo i Aki Kapuuno' ru Israil, i Aki kapuuno' ondo' matulai mapaugar ra inatang Nano.”

JISAYA 60:22

Io pana pongkotob mino ra kalo masuang am asasabin masauk ra bansa' maikang. Bulintok raginio ra tauli no, Aku, Tuhan, mambaal raginio ra mataki'.”

JISAYA 8:15

Masuang ulun makasaru; maratu' ilo am mangapilatan. Malandak ilo.”

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

JIRIMIA 23:12

Ginio ra, ralan ondo' binayaan nilo malamog am molondom; mangkinibit Aku risilo makasaru am maratu'. Mamparatong Aku ra karaat risilo, ra masaboi paat no koson mangukum risilo. Aku, Tuhan, nakaindagu noyo.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

JIRIMIA 6:21

Ginio ra mangkinibit Aku risilo makasaru am maratu'. Ama' am anak, rangan am pasambalayan matoi.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

YEHEZKIEL 7:5

Gitio noyo ondo' rinagu ru Tuhan Raja', “Karaat mansusunu' palumpaan rirun.

GOSIA 13:12

Tula am kasalaan ru Israil tinulisan, am binulian ondo' tinulisan no.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

ROMA 13:4

Sabap ra parinta no ulipon ri Aki Kapuuno' koson mangindangan ramuyun. Kaa' amon ru mambaal kau ra malaat, kalaa' kano, sabap ra parinta no makakuasa' mangukum. Inaru' io no ri Aki Kapuuno' koson mangukum ra osoi ayuk ondo' mambaal ra kalaatan.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.