SAGULION 32:26 - Tanou Moonsoi Timugon

²⁶ Aku musiti' no mamuso risilo ngaangai', maa' raginio kolondo' sangulun pana mangkara' risilo.

SAGULION 32:26 ပူးပေါင်းရင်းမြစ်များ

MAZMUR 34:16

Indukuin ru Tuhan ulun ra motopot, am mangkirongog ra pantangian nilo;

MAZMUR 34:17

kaa' anggalon No ulun ondo' mambaal ra malaat; amon matoi ilo, mataki' ilo lilianin.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

JISAYA 48:11

Binaal Ku gitio koson kaatangan Kuno galama', kalo polosoon Ku inggalan Kuno jamalin, kapoam mantayar ra katulayan Kuno ra osoi-osoi ayuk.”

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

IMAMAT 26:38

Matoi kau ralalom pamatiran, am lobongon giu' ra pagun ru pantula'.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 28:37

Giu' ra pagun-pagun intok napatuliaran ru Tuhan ramuyun, makatigog ulun magilong ra baal ondo' nasauk ramuyun. Magagasab am manauyu' ilo ramuyun.

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

SAGULION 9:14

Pai' kinam manginga' Raki'. Makaguang Aku mamuso risilo maa' raginio kolondo' sangulun pana mangkara' boo risilo. Okou pana saukon Ku ra ama' ru rondo' bansa' ondo' maayo poyo am maikang poyo intor risilo.’