SAGULION 32:25 - Tanou Moonsoi Timugon

²⁵ Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

SAGULION 32:25 ပူးပေါင်းရင်းမြစ်များ

2 RAJA'-RAJA' 7:5

Ginio ra paat ra orou tumalimpuun palunggai', ongoi ilo ra pangkiman ru ulun ru Siria. Kaa' paat ra ilo nakasaboi ra intok no, kolondo' ulun ra giu' no.

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

JISAYA 30:16

Kaa' mangatang kau koson magiru' intor ra pantula' am kumura' ra kuda ondo' maribok. Sotopot no akau musiti' no magiru'! Indoson min kuda mino maribok, kaa' ulun mangingilou ramuyun no poyo maribok!

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

SULABOI 4:4

Polosoon nilo lalagang nilo paason am maitilan; anak-anak makitaak ra akanon, kaa' kolondo' osoi pana ondo' mangani' ra akanon.

YEHEZKIEL 7:15

Ulun mantutula' giu' ra ralan, ulun marualan am maitilan giu' ra ralalom ru baloi. Osoi ayuk ondo' soroi giu' ra liwar ru bandar matoi sabap ra pangayawan, am osoi ayuk ondo' soroi giu' ra ralalom ru bandar matiu' ra maruol am maitilan.

GOSIA 11:6

Pangayawan lumumpa' ra bandar-bandar nilo, am kulobon garabang ru bandar lunsayon. Ulun Kuno pusoon sabap ra sinugut nilo kasagaan nilo galama'.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

GOSIA 9:16

Ulun ru Israil koson ra puun tataun ondo' kalo nangkawa' am bakat nano mapua' noyo. Kalo maganak ilo, potoyon Ku anak-anak ondo' tagamin nilo.”

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

MIKA 6:14

Mangakan kau, kaa' kalo maasug; maitilan kau ayuk. Mantakou kau ra kuliamos, kaa' kalo mabulian min. Ngaangai' atan ondo' pinauli min pusoon Ku ralalom ru pangayawan.

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.