SAGULION 32:24 - Tanou Moonsoi Timugon

²⁴ Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

SAGULION 32:24 ပူးပေါင်းရင်းမြစ်များ

KASAUKAN 3:14

Indagu boo Tuhan i Aki Kapuuno' ra kukuo no, “Inulas kou sabap ra binaal muno; intor ra ngaangai' bibiag okou ayuk magiba' ra ulas: Intor raino mundus kou ayuk ra mugar am mangakan kou ayuk ra kaau ru tana' saboi ra pupus ru bayag muno.

KASAUKAN 49:15

Kaa' ilain no intok tangusan nano moonsoi kaga' am tana' no mapabansuk kaga', kuung io mansaan ra kuliamos, am jinajalan mangandoi koson ra ulipon.

AYUP 20:16

Atan ondo' tolonon ru ulun malaat koson ra tuuwo ondo' magibit ra karaat; matoi ilo koson tindukon ru kukuo makapatoi.

MAZMUR 120:4

Panaan kau ra mato ru panah ondo' malarom longgom ru sangulun saujor, am ra baa ru apui ondo' mapaangan!

MAZMUR 91:6

kapoam maruol malaat tumapik bulintok ra molondom, kapoam sauk mampaluus bulintok ra tanga' ru orou.

JISAYA 65:25

Taani am anak domba masisimpung mangakan, singa' mangakan ra rami koson ra sapi', am kukuo kalo boo makakalalaa'. Giu' ra Sion, bulur Kuno ra matulai, kolondo' boo makalalaa', kapoam malaat.”

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 8:17

Indagu Tuhan, “Ilain toojo! Raino mangator Aku ra kukuo ra tatanga' min koson maninduk ramuyun, kukuo makapatoi ondo' kalo maalap kapukau.”

SULABOI 5:10

Mansalom akai sabap maitilan, inan mai malasu' koson ra rapuan.

YEHEZKIEL 14:15

“Kapoam maaru' lair porotongon Ku bibiag masigo koson mamatoi ra ulun saboi pagun no nasauk ra makalalaa' kaga' am ulun kalo makasail ra giu'.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 5:17

Porotongon Ku maruol tumapik, pampatayan am pangayawan koson mamatoi ra mamagun muno. Porotongon Ku bitilan am niayuk bibiag masigo koson mamatoi ra anak-anak nilo. Aku, Tuhan nakaindagu noyo.”

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

AMOS 9:3

Amon ru mansibuni ilo giu' ra tampak ru Gunung Karmil, uyumon am rokopon Ku ilo. Amon ru mansibuni ilo giu' ra lonor ru raat, manusub Aku ra tambuakal ru raat koson kumokot risilo.

MIKA 7:17

Mundus ilo koson ra kukuo ra rasawat ru kaau. Mingkual ilo intor ra kubu nilo am monontol, am mabaya' ra laa' matong ilo Rirun, Tuhan, i Aki Kapuuno' mai.

ABAKUK 3:5

Nanusub Kou ra maruol magulu Rirun am nanusub ra kapatayan sumunu' Rirun.

SAGULION 28:22

Mangukum Tuhan ramuyun ra maruol-maruol ondo' tumapik, lanit-lanit am salom. Maparatong Tuhan ra tampio am angin malasu' saboi kumoson min mapuso. Karaat-karaat marayus lumumpa' ramuyun saboi kau matoi.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

SAGULION 28:53

“Paat ra pantula' magawang ra bandar min, malawo guang min sabap ra maitilan saboi mangakan kau ra anak ondo' pinataak ramuyun ru Tuhan i Aki Kapuuno' min.