SAGULION 32:21 - Tanou Moonsoi Timugon

²¹ Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

SAGULION 32:21 ပူးပေါင်းရင်းမြစ်များ

1 RAJA'-RAJA' 14:22

Mamagun ru Jiuda makatula ra Tuhan. Binaal nilono napatabual poyo ra sangit ru Tuhan intor ra ngaangai' binaal ru kinamatuaan nilai.

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

1 RAJA'-RAJA' 16:13

Raja' Baisa am anak ungkuyon nano, Raja' Ila, sumamba ra sinungkalalaing am nangkinibit ra ulun ru Israil makatula. Ginio ra napasingkual ilo ra sangit ru Tuhan, i Aki Kapuuno' ru Israil.

1 RAJA'-RAJA' 16:26

Koson ra Raja' Jirobiam, ondo' nakapagulu intor riso, Raja' Omri napasingkual ra sangit ru Tuhan, i Aki Kapuuno' ru Israil, sabap ra Raja' Omri makatula am nangkinibit ra ulun ru Israil makatula am niayuk siminamba ra sinungkalalaing.

2 RAJA'-RAJA' 17:11

Nonolob ilo ra kaminyan giu' ra rasawat ru ngaangai' altar tayar ru dewa, minaya' ra kaindalaman ru bansa' ondo' pinagiru' ru Tuhan intor ra pagun no. Napasingkual ilo ra sangit ru Tuhan sabap ra ngaangai' binaal nilo ondo' malaat no,

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

2 RAJA'-RAJA' 21:6

Nampataak io ra anak ungkuyon nano koson ra taak simbalui ondo' solobon. Nambaal io ra mangilong am sihir, am nakitulu' io ra mangngilong am babalian. Maayo tula nano ra Tuhan am napasingkual ra sangit Nano.

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

MAZMUR 31:6

Pataakon ku inan kutu koson alungin Mu. Bayagon Mu aku, iou Tuhan, i Aki Kapuuno' ondo' mampagagaya' toojo.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

JISAYA 65:3

Mangkinibit ilo ra tanduusin Ku sangit Kuno. Mapataak ilo ra taak simbalui giu' ra taman ru dewa-dewa am monolob ra kaminyan giu' ra altar-altar ru dewa.

JIRIMIA 10:8

Ngaangai' ilo gigiison am sasambungon. Atan kia maalap nilo kaigigila' intor ra sinungkalalaing ondo' binaal intor ra tataun?

JIRIMIA 14:22

Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:11

Kolondo' bansa' ra ati pana ondo' nakaili' nangalig ra tuhan nano, kabalu' pana tuhan-tuhan no i aki kapuuno' ondo' kalo motopot. Kaa' ulun Kuno nangalig Raki', i Aki Kapuuno' ondo' nangani' risilo ra intok ondo' matulai, ra rondo' ondo' kalo mambaal ra atan pana.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

JUNUS 2:8

Ilo ondo' sumamba ra sinungkalalaing ondo' kolondo' onong, mangiruan Rirun am kalo boo gumagaya'.

RINALATAN 11:15

Paat ra aku timinalimpuun mindagu risilo, Ambiluo ri Aki Kapuuno' pana minatong risilo koson ra nasauk ritakau ragili.

RINALATAN 14:15

“Kua guat baalo' min gitio? Akai ti koson niayuk ramuyun, ulun ayuk toojo! Akai minongoi ragiti mampasaboi ra Tanou Moonsoi ramuyun koson mapainggalur ramuyun ra baal kolondo' onong ti am mapasaguli' ramuyun ri Aki Kapuuno' ondo' maayag. Io no ondo' niayuk nambaal ra limbowon, tana' ti, raat am ngaangai' suang nati.

ROMA 10:19

Mangkuot aku poyo: Kalo kia nakarati' ulun ru Israil no? Maaru' nakarati' ilo. I nabi Musa kasaa' timinaam, “Gitio noyo kon ri Aki Kapuuno', ‘Saukon takamin mangusolon ra bansa' ondo' sala' ka pinili' Kuno, am saukon takamin sumangit ra bansa' ondo' sasambungon.’ ”

ROMA 9:25

Gitio kon ri Aki Kapuuno' ra Kitab ru Nabi Gosia; “Ulun ondo' sala' ka ulun Kuno, sabiton Ku ‘Ulun Kuno’. Am ulun ondo' kalo tagamin Kuno, sabiton Ku ‘Ulun tagamin Kuno’.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

SAGULION 32:16

Sumamba ilo ra sinungkalalaing, am nomposolon ra Tuhan, nambaal ilo ra kalaatan, am napasangit Riso.

SAGULION 32:17

Napataak ilo ra taak simbalui ra ambiluo-ambiluo malaat, am sala' ka ri Aki Kapuuno', tuhan-tuhan bagu ondo' kalo nauligan ru kinamatuaan nilo, dewa-dewa ondo' kalo igondo' gagayaa' ru Israil.

1 SAMUIL 12:21

Pai' baya' ra dewa-dewa ondo' kalo makapangindangan kapoam makapamayag ramuyun, sabap ra dewa-dewa no sotopot no kolondo'.