SAGULION 32:16 - Tanou Moonsoi Timugon

¹⁶ Sumamba ilo ra sinungkalalaing, am nomposolon ra Tuhan, nambaal ilo ra kalaatan, am napasangit Riso.

SAGULION 32:16 ပူးပေါင်းရင်းမြစ်များ

1 RAJA'-RAJA' 14:22

Mamagun ru Jiuda makatula ra Tuhan. Binaal nilono napatabual poyo ra sangit ru Tuhan intor ra ngaangai' binaal ru kinamatuaan nilai.

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

2 RAJA'-RAJA' 17:11

Nonolob ilo ra kaminyan giu' ra rasawat ru ngaangai' altar tayar ru dewa, minaya' ra kaindalaman ru bansa' ondo' pinagiru' ru Tuhan intor ra pagun no. Napasingkual ilo ra sangit ru Tuhan sabap ra ngaangai' binaal nilo ondo' malaat no,

2 RAJA'-RAJA' 17:17

Pinataak nilo anak-anak nilo koson ra taak simbalui ondo' solobon ra dewa-dewa. Minongoi ilo pakiilong ra babalian am mangingilong. Mingkotog ilo toojo mambaal ra atan ondo' malaat ra pagilangan ru Tuhan, am napasingkual ra sangit Nano.

2 RAJA'-RAJA' 21:6

Nampataak io ra anak ungkuyon nano koson ra taak simbalui ondo' solobon. Nambaal io ra mangilong am sihir, am nakitulu' io ra mangngilong am babalian. Maayo tula nano ra Tuhan am napasingkual ra sangit Nano.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

MAZMUR 106:29

Binaal nilono mapasangit ra Tuhan, am lugu malaat makatiu' risilo.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

JISAYA 43:12

Manala' Aku ra baal ondo' masauk, am matong aku mangindangan ramuyun. Kolondo' dewa suai nakaili' mambaal koson raginio; akau noyo sasi' Kuno.

JIRIMIA 2:11

Kolondo' bansa' ra ati pana ondo' nakaili' nangalig ra tuhan nano, kabalu' pana tuhan-tuhan no i aki kapuuno' ondo' kalo motopot. Kaa' ulun Kuno nangalig Raki', i Aki Kapuuno' ondo' nangani' risilo ra intok ondo' matulai, ra rondo' ondo' kalo mambaal ra atan pana.

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

SAGULION 5:9

Pai' samba ra sinungkalalaing ru atan pana, kapoam mongompor raginio, sabap ra Aku noyo Tuhan i Aki Kapuuno' min am kalo masaga' Aku pogondoon ra atan pana. Mangukum Aku ra ulun ondo' masisang Raki'. Mangukum Aku niayuk ra papag nilo saboi ra sukor katalu am kaapat.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.