SAGULION 32:11 - Tanou Moonsoi Timugon

¹¹ Koson ra susuit kanui mangila' ra anak nano mansiab, am ibain ginio ra kawo ondo' miningkal, koson raginio noyo Tuhan nagalung ra Israil maa' raginio kalo maratu'.

SAGULION 32:11 ပူးပေါင်းရင်းမြစ်များ

KASAUKAN 1:2

Ginio ra tana' ti kalo poyo naindon am kolondo' ra atan ayuk pana; nangiatan ayuk koson nanaub ra raat ti am Ambiluo ri Aki Kapuuno' sisiab ra ralimbou ru timug.

MAZMUR 18:10

Lapako' No limbowon am tuun Io ralalom ru gaun molondom ragana' ru kalayam Nano.

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

JISAYA 31:5

Ati kulaan ra sanginan susuit mansiab ra libung ru bunsut nano koson mangampin ra anak-anak nano, ginio niayuk Raki', Tuhan Ondo' Maayo Kaga' Kuasa', mangampin, manungka', am mamamayag ra Jirusalim.”

JISAYA 40:31

Kaa' ulun ondo' lumansan ra Tuhan, mokoowot ra kaikangan bagu. Ilo koson ra susuit kanui, ondo' minsawat pansiab ralalom kaikangan ru kawo nano. Masimbul ilo am kalo maagui; mugar ilo am kalo lumami'.

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

JIRIMIA 13:11

Koson ra tapi' mariwa' naigot ra awak ru nantapi' no, koon raginio noyo kuayan Kuno ra ulun ru Israil am Jiuda maa' raginio maigot Raki'. Koon raginio boo ra ilo masauk ra ulun Kuno am mamparatong ra ompor am urumat ra inggalan Kuno. Kaa' marara' ilo gumagaya' Raki'.”

GOSIA 11:3

Sotopot no Aku noyo ondo' nangila' ri Israil mugar. Ganggalin Ku ulun Kuno ra togom; magalung Aku risilo kaa' marara' ilo mangiou raginio.

SAGULION 33:12

Intor ra bansa' ru Binjamin, indagu io, “Gitio noyo bansa' ondo' tagamin am sindungin ru Tuhan; magalung Io risilo ra tutukir paat, minayan Io ra tatanga' nilo.

IBRANI 11:3

Sabap ra pangintapatan noyo, itakau makaintutun ra limbowon am tana' ti pinasauk ru bala' ri Aki Kapuuno'. Ginio ra ngaangai' ondo' makito nasauk intor ra atan ondo' kalo makito.

PINAINTALANG 12:14

Kaa' ruandu' no inanian ruo kawo ru kanui maayo, pansiab io boo mongoi ra intok inaru' i riso, giu' ra tana' kaagisan. Alungin io ra giu' no koson minggalur ra kalaatan ru tambuakal no buoi talu ngambilor maintanga'.

PINAINTALANG 12:4

Sampitalu ru butitin ra limbowon no angkuyuron ru iku' nano am papatiron no ra tana' ti. Tambuakal no minigor ra saang ru ruandu' ondo' matipaganak no koson maginaa monolon ra anak no ra io anakon.