SAGULION 31:9 - Tanou Moonsoi Timugon

⁹ I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.

SAGULION 31:9 ပူးပေါင်းရင်းမြစ်များ

1 RAJA'-RAJA' 8:3

Kopongo ngaangai' ru tingganai no natitimung, imam-imam nangkayang ra Kaban Nabantuan

2 RAJA'-RAJA' 17:37

Kasalok kano gumagaya' ra ukum am susuban ondo' tinulisan Kuno ramuyun. Pai' samba ra tuhan-tuhan ra bokon,

1 TUNUNG RU BANSA' ISRAIL 15:2

Kopongo raginio indagu Raja' Daut, “Ulun ru Liwi ayuk ondo' iowon mansaan ra Kaban Nabantuan ri Aki Kapuuno', sabap ra ilo pinili' ru Tuhan koson mansaan ra Kaban Nabantuan ru Tuhan am koson mangandoi ayuk Riso ra sabubuoi no.”

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

NIGIMIA 8:3

Giu' intok malimparang no, maar ra kulobon garabang, nambasa' i Ijra ra Taurat no risilo intor ra susuab polos ra tanga' ru orou, am ilo ngaangai' nangkirongog toojo.

KAINGKUALAN 24:4

Kopongo raginio tulisi' ri Musa ngaangai' susuban ru Tuhan. Riminondom ra suabon no, nambaal i Musa ra rondo' altar ra lonson toojo ru gunung no, am patirongo' mopor am ruo batu; moonong batu manguakil ra rondo' ra bansa' ru Israil.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

MALIAKI 4:4

Karaa' pangilaan ru ulipon Kuno i Musa. Karaa' ukum am susuban ondo' tinaakan Kuno riso giu' ra Gunung Sinai koson gagayaan ru ngaangai' ulun ru Israil.

UNTABAN 33:2

Nanusub Tuhan ri Musa nanulis ra inggalan ru moonong intok nangkiman nilo.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:5

Nanaak Tuhan ri Musa ra panuluan ragitio. Masaboi paat no ra maparulun ra kim, i Arun am anak-anak nano musiti' mumpos ralalom ru Kim ru Tuhan am mangalap ra tabir giu' ra saang ru Kaban Nabantuan. Musiti' nilo taubin Kaban Nabantuan ra tabir no.

UNTABAN 4:6

Ilo pana musiti' manaub poyo ra kaban no rondo' kungkung malumis, am pabingkalon rondo' konoon motomou ra ralimbou no, am paatangon tataun pamandas ra Kaban Nabantuan.

MARKUS 12:19

“Mangingila', i Musa nanulis ritakau ra ukum ti: ‘Amon ru sangulun ungkuyon makaandu' matoi, kaa' kolondo' anak nilo, boborok no ra ungkuyon ti musiti' manangandu' ra along nano. Amon ru makaanak ilo, anak ragitio karaan koson ra sayat intor ra ralaki ra minatoi i.’

LUKAS 20:28

“Mangingila', mokoondo' tinulisan ra Ukum ri Musa, ‘Amon ru matoi sangulun ungkuyon makaandu', kaa' kolondo' anak nilo, napuor no paanduin ra pongkotob ru minatoi i. Amon ru makaanak ilo, gitio karaan koson sayat intor ra ralaki no ra minatoi i.’

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:45

Katuum ri Pilipus i Natanil am indagu io riso, “Natuum mai noyo Io ondo' tinulisan ri Musa ra Ukum am kon ru nabi-nabi. Io no i Jisus anak ri Jusup intor ra Nasarit.”

JUANIS 5:46

Amon ru totopot kau nangintopot ri Musa, maaru' nangintopot kau niayuk Raki', sabap ra io pana nanulis noyo intor Raki'.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 17:18

Paat io potonowon masauk ra raja', musiti' io aniin rondo' kitab ru ukum ri Aki Kapuuno' ondo' pinaralin intor ra kitab kopoyo ondo' binulian ru imam-imam bansa' ru Liwi.

SAGULION 31:28

Raino susubo' noyo ngaangai' tingganai ru bansa' am pagawai tumimung ra saang kuno, maa' raginio mabalaan ku ilo ra baal-baal ragitio. Mampiau aku ra limbowon am tana' masauk ra sasi' kuno risilo.

SAGULION 33:10

Mangila' ilo ra ulun Muno am gumagaya' ra Ukum Muno; Mapataak ilo ra taak simbalui giu' ra rasawat ru altar Muno.

JOSUA 3:3

am indagu ra ulun ru Israil, “Paat ra akau makakito ra imam-imam magibit ra Kaban Nabantuan ru Tuhan i Aki Kapuuno' min, ugar noyo am baya' noyo risilo.

JOSUA 6:12

Suabon no, riminondom i Josua kiminarat, am koson ra kainduo ru imam-imam am saujor-saujor lumiput ra bandar no maya' ra tinampos paat ra orou kalo poyo raginio: talimpuun no, magalung ra saang; am tulu' ngaulun imam ondo' manamput ra bujung; am imam-imam ondo' nansaan ra Kaban Nabantuan ru Tuhan; am pupus toojo magalung ra tinaulian. Narayus sinamput bujung no.