SAGULION 31:16 - Tanou Moonsoi Timugon

¹⁶ Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 31:16 ပူးပေါင်းရင်းမြစ်များ

KASAUKAN 15:15

Okou galama' maayag polos ra umur muno matutuo toojo, matoi kou ra maandai am lobongon.

KASAUKAN 47:29

Paat ra mamaar noyo io matoi, piawo' no anak nano i Jusup am indagu riso, “Poompoyo' kalindu' muno ra lolot ru karuruo puun ru paa kutu, am pagibot noyo ra kalo mompolobong kou raki' ra pagun ru Misir ti.

KASAUKAN 47:30

Masaga' aku lobongon ra intok ru kinamatuaan kuli. Ibito' aku mingkual ra Misir am ongoyo' aku lobongo' ra kalabangan nilai.” Taam boo i Jusup, “Suguton ku ondo' rinagu muno raki', ama'.”

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

1 RAJA'-RAJA' 1:21

Amon ru kalo mamatas kou raginio, maaru' ra okou kakapatoi no, i Salomo, anak ungkuyon muno am aku ti uwin ra manumbalik.”

1 RAJA'-RAJA' 18:18

Taam i Ilia, “Aku ti sala' ka i jumajou. Okou raja' am sasambaloi muno ia jumajou no. Kalo nampagagaya' kou ra susuban ru Tuhan am sinamba mu sinungkalalaing Baal.

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

2 RAJA'-RAJA' 18:12

Samaria naratu' sabap ra ulun ru Israil kalo giminagaya' ra Tuhan, i Aki Kapuuno' nilo. Liminungkang ilo ra nabantuan ondo' binaal ru Tuhan risilo, am inanggal nilo ngaangai' ukum ondo' tinaakan ri Musa, ulipon ru Tuhan. Marara' ilo rumongog kapoam gumagaya'.

2 RAJA'-RAJA' 20:1

Olo'-olo' paat raginio Raja' Gijkia narualan am maar matoi. Nabi Jisaya anak ri Amos, timinuum ra raja' am kono riso, “Sumugut ra ragu ru Tuhan, musiti' mu koyoon baalo' ngaangai' kandoi muno, sabap ra kalo mapali' kou. Matoi kou.”

2 TUNUNG RU BANSA' ISRAIL 21:11

Nambaal piboo Raja' Jigoram ra intok-intok sambaan ra sinungkalalaing giu' ra kagunungan ru Jiuda, am nangkinibit ra mamagun ru Jiuda am Jirusalim makatula ra Tuhan.

AYUP 20:11

Ragili inan nilo mamulok am mapanggol, kaa' masauk ilo ra kaau.

MAZMUR 106:39

Baalon nilono mapajamol ra inan nilo galama', am kalo gumagaya' ilo ri Aki Kapuuno'.

MAZMUR 73:27

Ulun ondo' manatang Rirun maaru' io no mapuso, pusoon Mu ilo ondo' kalo gumagaya' Rirun.

KAINGKUALAN 32:6

Ra susuab toojo ru suabon no ibito' nilo kukula' ngainan bibiag koson ra pataakon ra simbaluyon, am kukula' ngainan poyo taak simbalui koson makibarakat ra Tuhan. Turung ilo ra mangakan am manginum, am ingkakat ra rumamai ra jajajou.

KAINGKUALAN 34:15

Pai' pambaal ra nabantuan ra ulun giu' ra pagun no, sabap ra paat ra ilo sumamba ra tuhan nilono am mapataak ra taak simbalui ra tuhan raginio, mangkimait ilo ramuyun. Maambi' kau mangakan ra akanon pataakon nilo ra tuhan raginio.

JISAYA 48:8

Makapandai Aku ra akau no kalo malansanan, nauligan kau ra maanggal-anggal. Ginio ra akau kalo makapandai no, am kalo sambangis pana ragu makasuku' ra talingo mino.

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

YEHEZKIEL 16:15

“Kaa' sala' boo pinamakuan muno ra kinantalur muno am kinoonsoi ru inggalan muno. Riminulug kou ra osoi ayuk ondo' mansail.

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”

GOSIA 10:4

Mindagu ilo ra ragu-ragu kolondo' toojo onong am nambaal ra bantu' magabau am niayuk nangigot ra nabantuan ondo' kolondo' onong. Katimpakan pinatimpurok saboi kolondo' katimpakan no nakasuku' ra titikop pagun koson ra tatanom makaanit giu' ra umo ondo' rinadu' noyo.

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

UNTABAN 27:13

Mopongo magilong ra tana' no, matoi kou koson ri Arun maayo ungkuyon muli niayuk minatoi noyo,

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

SAGULION 31:18

Paat raginio kalo boo masaga' Aku mangindangan risilo, sabap nambaal ilo noyo ra malaat am siminamba ra tuhan-tuhan ra bokon.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 32:50

Matoi kou giu' ra rasawat ru gunung no koson ra pabukat muno i Arun minatoi giu' ra rasawat ru Gunung Gor,

SAGULION 34:5

Kopongo raginio i Musa, ulipon ru Tuhan no, minatoi giu' ra tana' ru Moab, koson ra ondo' rinagu noyo ru Tuhan.

SAGULION 4:25

“Paat akau mabuoi noyo mayan ra pagun raginio am makaanak akupu noyo, pai' pambaal ra tula ra mambaal ra sinungkalalaing ralalom baal ru atan pana ra tayar ramuyun galama'. Binaal raginio malaat ra mato ru Tuhan, am baal raginio mangkinibit Riso sumangit.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

TINGGANAI RU BANSA' 10:13

Kaa' kabalu' pana koson raginio, lakat poyo nangiruan kau Raki' am samba ra dewa-dewa. Raino kalo boo masaga' Aku mamayag ramuyun.

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 2:11

Ulun ru Israil pana makatula ra Tuhan. Kalo boo sumamba ilo ra Tuhan i Aki Kapuuno' ru kinamatuaan nilo, iono i Aki Kapuuno' ondo' nagibit risilo miningkual intor ra Misir. Tumalimpuun ilo sumamba ra Baal am Asyitorit am niayuk dewa-dewa ondo' sinamba ru ngaangai' bansa' giu' ra libung nilo. Ginio ra siminangit Tuhan risilo am nopoloso ra mantatakou namulunsar am nantakou risilo. Kalo makalulu' ilo manggal ra pantula' ra libung nilo.