SAGULION 31:11 - Tanou Moonsoi Timugon

¹¹ Basaa' noyo Ukum ti ra ulun ru Israil paat ilo matong koson sumamba ra Tuhan i Aki Kapuuno' min giu' ra rondo' intok sambayangan no.

SAGULION 31:11 ပူးပေါင်းရင်းမြစ်များ

2 RAJA'-RAJA' 17:37

Kasalok kano gumagaya' ra ukum am susuban ondo' tinulisan Kuno ramuyun. Pai' samba ra tuhan-tuhan ra bokon,

2 RAJA'-RAJA' 23:2

am nababaya' ilo minongoi ra Baloi ru Tuhan. Minaya' risilo imam-imam, nabi-nabi am ngaangai' mamagun, ondo' langkaya' am niayuk ondo' musikin. Giu' ra saang nilo ngaangai', nambasa' raja' ra ngaangai' suang ru kitab nabantuan ondo' natuum giu' ra ralalom Baloi ru Tuhan.

NIGIMIA 8:13

Paat ra suabon no, tingganai-tingganai ru bansa', imam-imam am ulun-ulun ru Liwi minongoi ri Ijra koson mintutun ra pangilaan ru Taurat.

NIGIMIA 8:18

Moonong orou, intor ra orou kasaa' ru pangiantakan no saboi ra orou pupus, nambasa' i Ijra ra santayaran intor ra Taurat ri Aki Kapuuno' risilo. Nangiantak ilo ra pangiantakan no buoi tulu' ngoorou, am paat ra orou kabalu' nambaal ilo ra upacara kaampusan sumugut ra aturan ru Taurat.

NIGIMIA 9:3

Buoi no olo'-olo' talu nganjam, kitab Taurat ru Tuhan, i Aki Kapuuno' nilo binasa' risilo, am buoi talu nganjam ra sumunu' no nangiou ilo ra tula am siminamba ra Tuhan, i Aki Kapuuno' nilo.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

KAINGKUALAN 34:24

Mopongo Ku pagiruon bansa'-bansa' intor ra saang min am mapalangka' ra wilayah min, kolondo' sangulun pana makakinam manalingaau ra pagun min paat ra talu pangiantakan no.

RINALATAN 13:15

Kopongo binasa' Ukum ri Musa am Kitab ru Nabi-nabi, tingganai-tingganai ru baloi sambayangan nanusub ra ulun mangkuot ri Paulus am rangan-rangan nano, konilo, “Pabukat kau, amon ru mokoondo' paraguon min koson mangila' ra ulun ragiti, posoboyo' min ayuk.”

RINALATAN 15:21

Sabap ra intor ra galing i noyo, Ukum ri Musa ti binasa' ra moonong orou Sabat giu' ra baloi sambayangan am pinabala' ra moonong pekan.”

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

SAGULION 12:14

pataako' noyo taak simbalui raginio giu' ayuk ra rondo' intok ondo' pinili' ru Tuhan, rondo' ra wilayah ru bansa' mino. Giu' no ayuk iowon kau mapataak ra taak simbalui koson mapabansuk ra guang ru Tuhan, am mambaal ra ngaangai' ondo' nanusuban ku ramuyun.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.