SAGULION 30:10 - Tanou Moonsoi Timugon

¹⁰ Kaa' akau musiti' gumagaya' ra Tuhan i Aki Kapuuno' min am maya' ra ngaangai' ukum Nano ondo' natulisan ralalom ru Kitab ti, ondo' makasuang ra pangilaan Nano. Musiti' kau sumaguli' Riso ra sotopot ru guang.

SAGULION 30:10 ပူးပေါင်းရင်းမြစ်များ

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –

YEHEZKIEL 33:19

Paat ra ulun malaat lumonggo' mambaal ra tula am mambaal ra atan ondo' moonsoi am motopot, maayag ilo.

JAKARIA 6:15

Ulun intor ra intok maalur matong koson mangindangan mambaal ra Baloi ru Tuhan. Mopongo Baloi ra binaal saguli' no, makapandai kau ra Tuhan Ondo' Maayo Kaga' Kuasa' nanusub raki' mongoi ramuyun. Ngaangai' ru baal raginio masauk amon totopot kau gumagaya' ra susuban ru Tuhan, i Aki Kapuuno' min.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

SAGULION 29:21

Mapasauk Tuhan riso ra rondo' tiluan giu' ra saang ru ngaangai' bansa' ru Israil, am mampalumpa' riso ra ngaangai' ulas ondo' sabiton ralalom ru nabantuan, ondo' natulisan ralalom ru kitab ti, ondo' makasuang ra pangilaan ru Tuhan.

SAGULION 30:11

“Susuban ondo' taakin kuno ramuyun ra orou raiti' kalo mapagon kaga' kapoam kalo maalur kaga'.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',

SAGULION 30:8

Sumaguli' kau gumagaya' ra Tuhan am mapaugar ra ngaangai' susuban Nano ondo' taakin kuno ramuyun ra orou raiti'.

SAGULION 4:29

Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.