SAGULION 30:1 - Tanou Moonsoi Timugon

¹ “Nangani' aku noyo ramuyun ra pilian ru barakat kapoam ulas. Paat ra ngaangai' baal ragitio masauk ramuyun, am mayan kau ra gino ngai' ru bansa'-bansa' ra intok akau pinantutuliar ru Tuhan i Aki Kapuuno' min, am makara' min pilian ondo' taakin kuno ramuyun.

SAGULION 30:1 ပူးပေါင်းရင်းမြစ်များ

KASAUKAN 4:14

Paugaron Mu aku ra tana' ti, am intor ra saang Muno. Masauk aku boo ra sangulun tumanggau ondo' kolondo' intok ra tana' ti am potoyon aku ru osoi ayuk makatuum raki'.”

1 RAJA'-RAJA' 8:34

gama' ru Okou giu' ra suruga', mangkirongog risilo. Ampuno' noyo tula ru ulun Muno, am ibito' noyo ilo sumaguli' ra pagun ondo' taakin Mu ra kinamatuaan nilai.

2 TUNUNG RU BANSA' ISRAIL 30:9

Amon ru sumaguli' kau ra Tuhan, ulun ondo' namparakop ra pabukat mino makaasi' risilo, am mangiou risilo muli'. Tuhan, i Aki Kapuuno' mino moonsoi am makaasi'; amon ru sumaguli' kau Riso, apuon No akau.”

NIGIMIA 1:9

Kaa' amon sumaguli' kau Raki' am mambaal ra susuban Kuno, ibiton Takamin saguli' ra intok ondo' pinili' Ku noyo koson ra intok Aku sambaan, kabalu' pana nakapantutuliar kano ra titikop ru tana' ti.’

JISAYA 46:8

Karaa' noyo baal ragitio, akau ulun makatula; karaa' noyo nansalinut ondo' binaal Kuno.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

JAKARIA 10:9

Kabalu' pana pinantutuliar Ku ilo ra gino ngai' ru bansa', kaa' giu' ra intok maalur makakara' ilo Raki'. Ilo am anak-anak nilo maayag am mababaya' muli'.

LUKAS 15:17

Katutuni' no binaal nali, nampaguang io, ‘Ngaangai' mangngandoi ri ama' malabaan ra akanon, am aku ragiti matoi ayuk kalo ra bitil!

SAGULION 28:28

Tuhan mangkinibit ramuyun ra mantuyang am mapasauk ramuyun ra bolou am niayuk maubong.

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

SAGULION 29:27

Ginio ra siminangit Tuhan ra ulun Nano am naparatong ra ngaangai' karaat ondo' natulisan ralalom ru kitab ti ra tana' nilo.

SAGULION 29:28

Sangit ru Tuhan no moporos kaga' saboi bubulon No ulun ru Israil intor ra pagun nilo, am patirin ilo ra tana' ru bansa' ru bokon saboi ra orou raiti'.’

SAGULION 30:15

“Paat ra orou raiti' pambaal noyo ra pilian ra ondo' moonsoi am ondo' malaat, ondo' maayag am matoi.

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.