SAGULION 3:6 - Tanou Moonsoi Timugon

⁶ Pinuso takau ngaangai' bandar no am pinatoi takau mamagun ra ngaangai' ungkuyon, ruandu' am lalaing koson ra binaal takau giu' ra bandar-bandar longgom ru Raja' Sigon intor ra Gisybon.

SAGULION 3:6 ပူးပေါင်းရင်းမြစ်များ

UNTABAN 21:2

Ulun ru Israil pana mokoondo' ra nazar ra Tuhan. Indagu ilo, “Iou Tuhan, amon ru mangiou Kou ramon mangala ra mamagun ru pagun ragitio, luuson mai bandar-bandar nilo am niayuk mamagun ru bandar, koson ra tatandu' ru ngaangai' no Okou tatangan.”

SAGULION 1:4

Baal ragitio nasauk nalupus Tuhan nangala ra Raja' Sigon, raja' ru ulun ru Amori ondo' namarinta giu' ra bandar Gisybon, am niayuk Raja' Og, raja' Basan, ondo' namarinta giu' ra bandar Asytarot am Idrii.

SAGULION 2:24

Pakasail takau ra Moab, indagu Tuhan ritakau, ‘Raino ugar kano am laup kano ra Sungoi Arnon. Pataakon Ku ramuyun i Sigon, raja' ru Amori intor ra Gisybon, am niayuk tana' nano. Bulunsaro' noyo io am ayani' noyo tana' nano.

SAGULION 2:34

Paat raginio niayuk ginaau am linunsai takau moonong bandar, am namatoi ra moonong ungkuyon, ruandu' am niayuk lalaing. Kalo nompoloso takau ra sangulun pana maayag.

SAGULION 29:6

Kolondo' ruti' ra akanon min, wain kapoam inumon makagauk ra inumon, kaa' nanampos Tuhan ra ngaangai' pakuan min maa' raginio makapandai kau ra Io noyo i Aki Kapuuno' min.

SAGULION 3:2

Kaa' indagu Tuhan raki', ‘Pai' kalaa' riso. Pataakon Ku io, saujor nano am titikop wilayah nano ramuyun. Pamakuan riso no koson ra pinamakuan muno ri Sigon, raja' ru ulun ru Amori, ondo' namarinta ra Gisybon.’

SAGULION 3:5

Ngaangai' bandar no piniot ra timbok mangasawat, kulobon garabang am tataun pangunsi' ra kulobon garabang. Suai raginio, mokoondo' niayuk masuang pekan ondo' kolondo' timbok.

JOSUA 11:14

Ulun Israil nangalap ra ngaangai' rapu' am bibiag tinambiag intor ra bandar-bandar, kaa' namatoi ilo ra ngaangai' mamagun no. Kolondo' sangulun pana pinoloso naayag.