Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.
Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.
Kopongo ragili kinamatuaan takali nangapu ra Kim ti am inibit nilo paat ra ilo minaya' ri Josua minongoi pampagaau ra pagun takau ti. Ioginio paat ri Aki Kapuuno' nampagiru' ra bansa' ru bokon ondo' nongompong risilo. Kim i siminoroi ra giu' i saboi ra paat ru raja' Daut.
Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”
Tuhan i Aki Kapuuno' min galama' maningganai ramuyun am mamuso ra bansa'-bansa' ondo' minayan ra giu' no, maa' raginio makaayan kau ra tana' nilo. Masauk i Josua ra tingganai min, koson ra rinagu noyo ru Tuhan.
I Musa pana nampiau ri Josua am indagu riso ra saang ru ngaangai' ulun ru Israil, “Musiti' kou mangintopot am baani. Okou noyo ondo' maningganai ra bansa' ti koson mayan ra tana' ondo' binantu' noyo ru Tuhan ra kinamatuaan nilo.