SAGULION 3:18 - Tanou Moonsoi Timugon

¹⁸ Paat raginio niayuk nanusub aku risilo, ‘Tuhan i Aki Kapuuno' takau nanaak noyo ritakau ra tana' tampilon ra sirangon ru Sungoi Jordan koson masauk ra intok ayanan min. Raino ukapi' noyo saujor mino ra kinandoi mangayou, am susubo' ilo mongoi ra sandaup ru Sungoi Jordan, maa' raginio sumigulu ilo ra bansa' ru Israil ra bokon koson mangindangan risilo mayan ra tana' raginio.

SAGULION 3:18 ပူးပေါင်းရင်းမြစ်များ

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

MAZMUR 136:21

Pinataak No pagun nilono ra ulun Nano; togom Nano mantilayun.

UNTABAN 33:53

Ayani' noyo tana' no am ayan noyo ra giu' sabap ra taakin Ku ginio ramuyun.

SAGULION 12:1

“Raino rongogo' noyo ngaangai' ukum ondo' musiti' gagayaan buoi akau mayan giu' ra tana' ondo' taakin ru Tuhan i Aki Kapuuno' ra kinamatuaan min.

SAGULION 15:4

Mambarakat ramuyun Tuhan i Aki Kapuuno' min giu' ra tana' ondo' pataakon Nano ramuyun. Kolondo' sangulun pana intor ra bansa' min masauk ra musikin,

SAGULION 19:14

“Pai' bandingi' tinatandu' ra balitan ru tana' longgom ru pasambalayan muno ondo' inaru' noyo intor ragili, giu' ra tana' ondo' pataakin ramuyun ru Tuhan i Aki Kapuuno' min.”

SAGULION 19:2

tayaro' noyo tana' no masauk ra talu wilayah. Moonong wilayah musiti' mokoondo' rondo' bandar ondo' mataki' masaboi, maa' raginio paat mamatoi sasangulun ra ulun bokon, makapagiru' io ra rondo' ra bandar no koson makisindung.

SAGULION 19:7

Ginio sabap ra manusub aku ramuyun maa' raginio mapasuai ra talu bandar panindungan.

SAGULION 21:1

“Amon mapandayan sangulun pinatoi giu' ra padang, giu' ra tana' ondo' pataakon ramuyun ru Tuhan i Aki Kapuuno' min, am kalo makapandai kau osoi namatoi ra ulun no,

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

SAGULION 5:31

Kaa' okou, Musa, musiti' mayan ragiti mabaya' Raki'. Manaak Aku rirun ra ngaangai' ukum am susuban Kuno. Pailaa' ngaangai' no ra ulun raginio maa' raginio gumagaya' ilo raginio giu' ra pagun ondo' taakin Kuno risilo.’

SAGULION 6:1

“Nanusub Tuhan i Aki Kapuuno' min raki' mangila' ramuyun ra ngaangai' ukum ti. Gagayaa' noyo ngaangai' no giu' ra tana' ondo' mataki' min ayanin.

SAGULION 9:6

Pangintopot noyo ra sala' ka sabap ra maaya' kau, inanian kau ru Tuhan min ra tana' ondo' malabung. Sala' ka koson raginio! Akau totopot ulun ondo' bambalingatan.

JOSUA 1:11

lumiput ra titikop pangkiman am mambala' ra ulun raginio, “Pongoo' noyo akanon sabap talu ngoorou poyo lumaup kau ra Sungoi Jordan koson mampagaau ra tana' ondo' pataakon ru Tuhan i Aki Kapuuno' min ramuyun.”