SAGULION 3:11 - Tanou Moonsoi Timugon

¹¹ Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

SAGULION 3:11 ပူးပေါင်းရင်းမြစ်များ

KASAUKAN 14:5

Ralalom bilor koopor am apat, Raja' Kidorlaomir am pantutuluk nano minatong nababaya' ra saujor nilai am kinala nilo ulun ru Ripaim ra Asytirot-Karnaim, ulun ru Jujim ra Gam, ulun ru Imim ra Syawi-Kiryataim,

KASAUKAN 6:15

Baalo' gawar no 133 ngamito, 22 ngamito pila' no am sawat no 13 ngamito.

2 SAMUIL 11:1

Kaindalaman ru raja'-raja' mongoi pangayou bulintok ra mambusak. Bulintok ra mambusak bilor raginio, nanusub Raja' Daut ri Joab mongoi pangayou mababaya' ra pagawai-pagawai ru saujor am ngaangai' ru saujor ru Israil. Nangala ilo ra ulun ru Amon am nampaliput ra bandar Raba, kaa' Raja' Daut minayan ra Jirusalim.

2 SAMUIL 12:26

Liliwa' raginio lakat poyo i Joab mangayou koson mampagaau ra Raba, bandar maayo ru pagun Amon, am maar io noyo makagaau ra bandar no.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

YEHEZKIEL 21:20

Papan tatandu' ondo' rondo' no manulu' ra raja' ru Babilonia ra ralan mongoi ra bandar ru ulun ru Amon giu' ra Raba, am ondo' rondo' poyo ralan mongoi ra Jirusalim, bandar ondo' mokoondo' ra kubu giu' ra Jiuda.

YEHEZKIEL 25:5

Saukon Ku bandar Raba intok manambiag ra unta, am titikop ru pagun Amon intok manambiag ra domba, maa' raginio makapandai kau ra Aku noyo Tuhan.’ ”

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 2:9

Kabalu' pana koson raginio, akau ulun Kuno, ra tayar min noyo mamuso ra ulun ru Amori ondo' masawat koson ra puun sidar am maikang koson ra puun oak.

SAGULION 2:11

Koson ra ulun ru Inak, ulun ru Imim niayuk nauligan ra ulun ru Ripaim, kaa' ulun ru Moab nanginggalan risilo ra ulun ru Imim.

SAGULION 2:20

Wilayah raginio niayuk nauligan ra tana' ru ulun ru Ripaim, sumugut ra inggalan ru bansa' ondo' minayan ra giu' no ragili; ulun ru Amon nanginggalan ra bansa' raginio Jamjumim.

JOSUA 12:4

Ilo niayuk nangala ra Raja' Og intor ra Basan, sangulun intor ra papag Ripaim ondo' pupus; raja' no namarinta giu' ra Asytarot am Idrii.

JOSUA 13:12

Tana' nilo nakasimpung pamarintaan ru Raja' Og, raja' ondo' nakaili' namarinta giu' ra Asytarot am Idrii, Raja' Og iono papag ondo' pupus toojo intor ra ulun Ripaim. Kinala ri Musa ngaangai' ulun raginio am napagiru' risilo.

PINAINTALANG 21:17

Tukuo' poyo ru malaikat no timbok no; sawat no onom ngoopor ngamito. Tutuku' ru malaikat no ioginio tutuku' kaindalaman ru ulun.

1 SAMUIL 17:4

Sangulun ungkuyon ondo' makainggalan ri Goliat, intor ra bandar Gat, miningkual intor ra pangkiman ru Palistin koson gumula' ra ulun ru Israil. Sawat ru ulun no olo'-olo' talu ngamito.