SAGULION 29:8 - Tanou Moonsoi Timugon

⁸ am ginaau tana' nilo. Tinaakan takau boo tana' nilo ra bansa' ru Rubin, Gad am sampiruo ra bansa' ru Manasi.

SAGULION 29:8 ပူးပေါင်းရင်းမြစ်များ

1 RAJA'-RAJA' 2:3

Baalo' atan ondo' nanusuban ru Tuhan, i Aki Kapuuno' muno rirun. Gagaya' no ra ngaangai' ru ukum am panusuban Nano ondo' tinulisan ralalom ru Ukum ri Musa, maa' raginio ati ayuk pana angayan muno, iawo kou ra ngaangai' ru pirot muno.

MAZMUR 135:12

Pinataak No pagun nilono ra ulun Nano; pinataak No ginio ra ulun ru Israil, ulun Nano.

UNTABAN 32:32

Sabap ra susuban ru Tuhan, sumandaup akai ra sungoi am mongoi ra tana' ru Kanaan. Mongoi akai pangayou maa' raginio tana' tampilon ra sirangon ru Sungoi Jordan ti magulayun akai tatangan.”

UNTABAN 32:33

Kopongo raginio pataako' ri Musa ngaangai' wilayah ru Raja' Sigon, raja' ru ulun ru Amori no am niayuk wilayah ru Raja' Og, raja' ru pagun Basan, nakaaya' ngaangai' bandar am tana' ra libung no ra bansa' ru Gad am bansa' ru Rubin, am niayuk ra sampiruo bansa' ru Manasi.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

JOSUA 1:8

Tutuno' noyo maa' raginio magail Kitab ru Ukum basaan ra ulun Kuno paat akau sumambayang. Igila' noyo ra kitab no ra matawang am rondom; tutuno' noyo maa' raginio gumagaya' kou ra ngaangai' ondo' tinulisan ra ralalom no. Koson raginio noyo okou langkaya' am makasugut.