SAGULION 29:6 - Tanou Moonsoi Timugon

⁶ Kolondo' ruti' ra akanon min, wain kapoam inumon makagauk ra inumon, kaa' nanampos Tuhan ra ngaangai' pakuan min maa' raginio makapandai kau ra Io noyo i Aki Kapuuno' min.

SAGULION 29:6 ပူးပေါင်းရင်းမြစ်များ

NIGIMIA 9:15

“Paat ra ilo maitilan, ruti' intor ra limbowon pinaratu' Muno, paat ra ilo paason, timug intor ra batu pinaingkual Mu. Nanusub Kou risilo manguasa' ra tana' ondo' binantu' Mu noyo risilo.

KAINGKUALAN 16:12

“Naining Ku noyo butok ru ulun ru Israil. Ragui' ilo, ra tampilon ra mai' ti makaalap ilo ra kual ra akanon, am tampilon ra susuab ti makaalap ilo ra ruti' masuang ondo' gogoton nilo. Ginio ra makapandai ilo ra Aku noyo Tuhan i Aki Kapuuno' nilo.”

KAINGKUALAN 16:35

Nangakan ulun ru Israil ra manna buoi apat ngoopor ngambilor polos ilo nakasaboi ra tana' ru Kanaan, intok pamagunan nilo. (

UNTABAN 16:14

Napandayan noyo ra kalo magibit kou ramon mongoi ra tana' ondo' malabung, kapoam manaak ramon ra umo am umo ru anggur koson ra longgom mai. Raino masaga' kou mamparuung poyo ramon. Kalo masaga' akai matong!”

UNTABAN 20:8

“Alapo' jujuga' giu' ra Kaban Nabantuan no, okou am i Arun musiti' manimung ra ngaangai' ulun ru Israil. Giu' ra saang nilo ngaangai', indagu ra bulur batu ra giu' no, am mapasalula' boo batu no ra timug. Koon raginio noyo okou mapaingkual ra timug intor ra batu no tayar ru ulun ru Israil, maa' raginio ilo am bibiag tinambiag nilono makainum.”

1 KORINTUS 10:4

Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

1 KORINTUS 9:25

Moonong ulun ondo' makaguang maya' ra pagigilayan masimbul, magalung io toojo ra inan nano. Am mongorot io toojo, maa' raginio mokoowot io ra karaun kamanangan ondo' mapuso niayuk ra tauli. Kaa' itakau ti mongorot, maa' raginio mokoowot takau ra karaun kamanangan ondo' mantilayun.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

SAGULION 2:33

kaa' Tuhan i Aki Kapuuno' takau napataak riso ritakau. Pinatoi takau Raja' Sigon, anak-anak ungkuyon nano am ngaangai' ulun nano.

SAGULION 29:7

Paat ra itakau nakasaboi ra intok ragitio, ratong Raja' Sigon intor ra Gisybon am Raja' Og intor ra Basan namulunsar ritakau, kaa' kinala takau ilo

SAGULION 3:3

Ginio ra napataak Tuhan ra Raja' Og am mamagun nano ritakau, am pinatoi takau ilo ngaangai'.

SAGULION 3:6

Pinuso takau ngaangai' bandar no am pinatoi takau mamagun ra ngaangai' ungkuyon, ruandu' am lalaing koson ra binaal takau giu' ra bandar-bandar longgom ru Raja' Sigon intor ra Gisybon.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.