SAGULION 29:4 - Tanou Moonsoi Timugon

⁴ Kaa' saboi orou raiti' lakat poyo kalo mangiou Io ramuyun makarati' ra ngaangai' ondo' nailian min noyo.

SAGULION 29:4 ပူးပေါင်းရင်းမြစ်များ

IPISUS 4:18

Pangaratian nilo pana molondom. Kalo niayuk nakaliman ilo ra kaayagan ondo' taakin ri Aki Kapuuno', sabap ra kalo masaga' ilo mintutun am mokotog toojo ulu nilo.

JUANIS 8:43

Kua pai' kau pakarati' ra kon Kutu? Sabap ra kalo tumaan kau mangkirongog ra pangilaan Kuno.

AMSAL 20:12

Inanian takau ru Tuhan ra mato koson magilong am talingo koson mangkirongog.

JISAYA 63:17

Kaa' ragino kua polosoo' Mu akai makalayau? Kua polosoo' Mu akai bambalingatan saboi akai kalo malaa' Rirun? Saguli' no ramon, sabap risilo ondo' mangandoi Rirun, am sabap risilo ondo' masalok masauk ra longgom Muno.

2 KORINTUS 3:15

Raino pana, moonong ayuk ra ilo mambasa' ra Ukum ri Musa, guang nilai no lakat ayuk poyo nasilian.

YEHEZKIEL 36:26

Aniin Takamin ra guang am pangkaraan ondo' bagu. Aligin Ku guang mino ondo' mokotog ra guang ondo' gumagaya'.

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

KAINGKUALAN 16:35

Nangakan ulun ru Israil ra manna buoi apat ngoopor ngambilor polos ilo nakasaboi ra tana' ru Kanaan, intok pamagunan nilo. (

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.