SAGULION 29:29 - Tanou Moonsoi Timugon

²⁹ Topot ra mokoondo' kukula' baal ondo' kalo pinabala' ru Tuhan i Aki Kapuuno' takau, kaa' nambala' Io noyo ritakau ra Ukum Nano, am itakau am niayuk papag takau musiti' maya' raginio ra sabubuoi no.”

SAGULION 29:29 ပူးပေါင်းရင်းမြစ်များ

KASAUKAN 41:16

Taam i Jusup, “Raja' mai ra matulai kaga', sala' ka aku kaa' i Aki Kapuuno' ondo' makapambala' ra arati' ru inupi no ra motopot.”

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

AMSAL 25:2

Mongompor takau ri Aki Kapuuno' sabap ra ondo' inopot Nano, mangurumat takau ra raja' sabap ra atan ondo' pinabala' nano.

AMSAL 3:32

Masisang Tuhan no ra ulun malaat, kaa' lumampit Io ra ulun mabanis guang.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JIRIMIA 23:18

Indagu aku, “Kolondo' sangulun pana intor ra nabi-nabi makapandai ra atan ondo' soroi ralalom pangkaraan ru Tuhan. Kolondo' sangulun pana risilo ondo' igondo' pokorongog am pakarati' ra inatangan Nano; kolondo' niayuk ondo' mangining kapoam mampalio ra ragu Nano.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

DANIL 4:9

Okou Biltsajar, tingganai ru ulun ondo' mapandai, nakapandai aku ra ambiluo ru dewa-dewa ondo' mapasau soroi rirun, am makarati' kou ra ngaangai' ondo' nakasibuni ondo' malandom. Gitio noyo inupi kuno. Pambala' ra arati' nano.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

MATIUS 13:35

Baalon ri Jisus koson raginio maa' raginio masauk boo ragu ru nabi Jisaya, “Magabig Aku paat ra Aku mangila' risilo; Mambala' Aku risilo ra sauk ondo' kalo napandayan ru ulun intor ra tana' ti binaal.”

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 21:22

Taam i Jisus riso, “Amon ru masaga' Aku ra maayag io saboi ra Aku matong saguli', kua kaimamang kou raginio? Kaa' okou baya' no Raki'.”

JUANIS 5:39

Gumogot kau mintutun ra Buuk Kitab sabap ra indos min koson raginio akau mokoowot ra kaayagan motopot am mantilayun. Sotopot no Buuk Kitab noyo mampaintutun Raki',

RINALATAN 1:7

Taam i Jisus, “Ama' Kuno galama' mangaru' ra orou am paat nano. Ginio kalo pana makapandai kau, sabap ra baal raginio i Ama' ra kuasa'.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

1 KORINTUS 2:16

Koson tinulisan ra Buuk Kitab, “Osoi kia makatutun ra guang ri Aki Kapuuno'? Osoi kia makapangila' Riso?” Kaa' pangkaraan takati mogondo' ri Kristus.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

2 TIMOTIUS 1:5

Makakara' aku poyo ra pangintapatan muno ondo' mabanis, mogondo' ra pangintapatan ru aru' muno i Lois am niayuk ina' mu i Unis. Nakatainu aku ra okou pana mangintopot mogondo' risilo.

2 TIMOTIUS 3:16

Ngaangai' ondo' tinulisan ra Buuk Kitab inimpuun ri Aki Kapuuno' am mokoonong toojo, ioginio mangila' ra atan ondo' motopot, koson mansawai am mampatanda' ondo' sala, am manulu' ra ulun koson makaaya' toojo ra kasagaan ri Aki Kapuuno'.