SAGULION 29:20 - Tanou Moonsoi Timugon

²⁰ Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

SAGULION 29:20 ပူးပေါင်းရင်းမြစ်များ

KASAUKAN 6:7

Ginio ra indagu Io boo, “Pusoon Ku ngaangai' ondo' sinauk Kutu, susuit am bibiag ra bokon sabap pansagulian Aku kaga' napasauk risilo.”

2 RAJA'-RAJA' 14:27

Kolondo' guang ru Tuhan koson mamuso ra Israil ra sabuoi-buoi no. Ginio ra namayag Io risilo pinaumbaya' ra Raja' Jirobiam II.

MAZMUR 18:8

Tana' ti pana mogonggon am mauyog; puun ru gunung mauyog am monontol, sabap ra sumangit i Aki Kapuuno'.

MAZMUR 69:28

Patuliso' noyo ngaangai' tula nilono; pai' ilo ampuno'.

MAZMUR 74:1

Sisindiron ri Asap. Kua tatango' Mu akai koson ragitio, iou Aki Kapuuno'? Sabuoi-buoi no kia Okou sumangit ra ulun Muno?

MAZMUR 78:50

Kalo oroton No sangit Nano kapoam mopoloso risilo maayag, kaa' pinatoi No ilo ra maruol ra tumapik.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 80:4

Patapulio' akai, iou Aki Kapuuno'! Pakaasi' no ramon maa' raginio maayag akai!

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

AMSAL 2:22

Kaa' ulun malaat am makatula paingkualon ri Aki Kapuuno' intor ra pagun raginio, koson ra sakot binubul intor ra tana'.

AMSAL 6:34

Sangulun ralaki sumangit kaga' bulintok ra io maingot. Ruol ru guang nano kalo mairu'-iru'.

RIMBAI PANGAMPARAN 8:6

Sauko' aku ra ambai muno; pai' ganggol ra bokon ondo' ak am aku, sabap ra lumaai no koson ra kinaikang ru kapatayan, am saga' ru guang galama' manguasa' koson ra patayan. Simbula' nano koson ra simbula' ru apui, ondo' bibilak ra makalalaa'.

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

YEHEZKIEL 23:25

Sabap ra sumangit Aku rirun, polosoon Ku ilo malaat pamakuan rirun. Binsilon nilo arung am talingo muno, am niayuk mamatoi ra anak-anak muno ra ungkuyon am ruandu'. Totopot ilo mamparakop am monolob ra anak-anak muno ra biag-biag.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

YEHEZKIEL 8:5

Indagu i Aki Kapuuno' raki', “Okou ulun mapandai matoi, ilai' tampilon ra ralayo.” Aku pana nagilong, am nakito ku sinungkalalaing ondo' napasingkual ra sangit ri Aki Kapuuno' no mamaar ra altar giu' ra ralan sumubol ra kulobon garabang.

YEHEZKIEL 9:10

Kaa' kalo makaasi' Aku risilo. Mogondo' pamakuan Kuno risilo koson ra pinamakuan nilo ra ulun bokon.”

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

ROMA 11:21

Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

SAGULION 25:19

Ginio ra paat ra Tuhan i Aki Kapuuno' min mampataak ra tana' no ramuyun, am manaak ramuyun ra kamiaan intor ra ngaangai' pantula' ondo' minayan ra liput no, musiti' min potoyon ngaangai' ulun ru Amalik maa' raginio kolondo' sangulun pana boo mangkara' risilo. Pai' liliani' baal ragitio!”

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.

SAGULION 9:14

Pai' kinam manginga' Raki'. Makaguang Aku mamuso risilo maa' raginio kolondo' sangulun pana mangkara' boo risilo. Okou pana saukon Ku ra ama' ru rondo' bansa' ondo' maayo poyo am maikang poyo intor risilo.’

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

PINAINTALANG 3:5

“Osoi ayuk mangala ra kuasa' ru kalaatan pambayangon Ku ilo ra mapulak, am kalo luluon Ku inggalan nilono intor ra kitab ru Ulun Mokoowot ra Kaayagan Motopot. Giu' ra saang ri Ama' Kuno am ra malaikat-malaikat Nano, iowon Ku ilo ti maamaya' Kuno.