SAGULION 29:2 - Tanou Moonsoi Timugon

² Nanusub i Musa ra ngaangai' ulun ru Israil tumimung am indagu risilo, “Nakito min galama' atan ondo' binaal ru Tuhan ra raja' ru Misir, pagawai-pagawai nano am titikop ru pagun nano.

SAGULION 29:2 ပူးပေါင်းရင်းမြစ်များ

KAINGKUALAN 19:4

“Nakito min atan ondo' binaal Kuno ra ulun ru Misir, ati kulaan Aku nagibit ramuyun Raki' ra intok ragitio, koson sanginan kanui ondo' nagibit ra anak nano ra kawo nano.

KAINGKUALAN 8:12

Iruani' boo ri Musa am i Arun raja' no. Nakiasi' i Musa ra Tuhan koson mamuso ra antit no ondo' pinaratong Nano ra raja'.

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

SAGULION 1:30

Maningganai Tuhan i Aki Kapuuno' ramuyun. Makimantula' Io ra tayar min, koson ondo' nakito min noyo galama' giu' ra Misir

SAGULION 11:7

Sotopot no, akau noyo ondo' nakakito ra ngaangai' baal maayo no ondo' binaal ru Tuhan.”

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

SAGULION 29:3

Nakito min noyo maruol tumapik ondo' makalalaa', kaimuagan am baal makaimuag ondo' binaal ru Tuhan.

JOSUA 24:17

Tuhan i Aki Kapuuno' takau napalabus noyo ra kinamatuaan takau am itakau galama' intor ra pangulipanan giu' ra Misir, am nakatainu takau noyo ra kaimuagan-kaimuagan ondo' binaal Nano. Nangampin Io ritakau ralalom ngaangai' pangkiralanan takau nansail ra pagun-pagun ru bansa' ra bokon.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.