SAGULION 29:19 - Tanou Moonsoi Timugon

¹⁹ Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.

SAGULION 29:19 ပူးပေါင်းရင်းမြစ်များ

KASAUKAN 2:17

kaa' ondo' ayuk kalo maakan no intor ra puun ondo' mangani' ra kapandayan ra baal moonsoi am niayuk malaat. Kawa' no kalo maakan mu; amon ru akanon mu, maaru' matoi kou ra orou raginio niayuk.”

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

MAZMUR 10:11

Pangkaraan ru ulun malaat, “I Aki Kapuuno' kalo mampalio! Kinorom ri Aki Kapuuno' mato Nano am kalo makakito ramon!”

MAZMUR 36:2

Tula mindagu ra liagu ru guang ru ulun malaat, impayin nilo i Aki Kapuuno' am kalo malaa' Riso,

MAZMUR 49:18

paat ra ilo matoi kolondo' atan-atan maibit nilo; rapu' nilono kalo makatibaya' ra ilo lobongon.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 36:29

Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

YEHEZKIEL 13:16

iono nabi-nabi ondo' minindagu ra ragu manala' ra Jirusalim moonsoi, kaa' sotopot no kalo!” Koon raginio noyo ragu ru Tuhan Raja'.

YEHEZKIEL 13:22

“Nabaya' ra abau mino kinalawo min guang ru ulun moonsoi, ondo' kalo masaga' Ku jamarin. Nangunsu' kau ra ulun malaat maa' raginio marayus mambaal ra kalaatan saboi kalo mabayag ilo.

YEHEZKIEL 14:7

“Paat ra sangulun Israil kapoam sangulun bansa' ra bokon ondo' minayan ra gino ngai' ru ulun ru Israil, timinalikur intor Raki' am siminamba ra sinungkalalaing, am makibilin boo intor ra sangulun nabi, Aku Tuhan tumaam riso!

YEHEZKIEL 14:8

Anggalon Ku io, am saukon io koson ra pampakaraan. Patirin Ku io intor ra gino ngai' ru ulun Kuno, maa' raginio makapandai kau ra Aku noyo Tuhan.

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

UNTABAN 15:39

Rumbai-rumbai no, masauk ra pangkaraan, maa' raginio moonong min makito ginio, makara' min ngaangai' susuban Kuno am gumagaya' raginio. Ginio ra kalo mangiruan kau Raki' koson gumagaya' ra kasaga' am gogot ru guang min galama'.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

IPISUS 5:6

Pai' min polosoo' sangulun pana mamparuung ramuyun ra abau. Sabap ra paliso ragitio noyo mampakasalula' ra sangit ri Aki Kapuuno' ra ulun ondo' kalo gumagaya' Riso.

SAGULION 17:2

“Amon ru norongog min ra giu' ra rondo' ra bandar min, mokoondo' kukula' ngaulun ungkuyon kapoam ruandu' ondo' makatula noyo ra Tuhan, am minanggal ra nabantuan Nano

SAGULION 28:15

“Kaa' amon kalo gumagaya' kau ra Tuhan i Aki Kapuuno' min am kalo mambaal toojo ra ngaangai' panusuban am ukum Nano ondo' taakin kuno ramuyun ra orou raiti', am ngaangai' ulas ti makasulung ramuyun:

SAGULION 29:12

Soroi kau ragiti paat ra orou raiti' koson mambaal ra nabantuan ondo' binaal ru Tuhan i Aki Kapuuno' mino ramuyun, am koson mangapu ra kandoi-kandoi inaru'.

SAGULION 29:18

Ginio ra alungi' noyo maa' raginio kolondo' sangulun pana ragiti ra orou raiti', iou ra ungkuyon, ruandu', sasambaloi kapoam bansa' ondo' timinalikur intor ra Tuhan i Aki Kapuuno' takau, am samba ra tuhan ru bansa' ru bokon. Baal raginio koson ra bakat ondo' tumuu' masauk ra tatanom mapait am makaanit.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.