SAGULION 28:9 - Tanou Moonsoi Timugon

⁹ Amon ru gumagaya' kau ra Tuhan i Aki Kapuuno' min am mambaal ra ngaangai' panusuban Nano, mapasauk Io ramuyun ra ulun Nano galama' koson ondo' binantu' Nano.

SAGULION 28:9 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

MAZMUR 87:5

Ulun mindagu ra Sion, ra ngaangai' ru bansa' nakaaya' koson mamagun ra bandar no, am Io Ondo' Masawat Kaga' no mapaikang riso.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

JISAYA 1:26

Aniin Takamin ra sangulun tingganai am ulun maminson koson ra galing i ayuk poyo. Bagu no Jirusalim no sabiton ra bandar ondo' matimpok am gumagaya'.”

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JIRIMIA 11:5

Amon ru baalon nilo ngaangai' no, suguton Ku bantu' Kuno ra kinamatuaan nilai ra pagun ondo' malabung am langkaya', ondo' raino inayanan nilo, pataakin Ku risilo.” Taam Aku, “Iou noyo Tuhan.”

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

SAGULION 7:8

Kaa' motogom Tuhan ramuyun, am masaga' Io mangukop ra nabantuan ondo' binaal Nano ra kinamatuaan min. Ginio noyo sasaban ra Ilo namayag ramuyun ra kuasa' Nano ondo' maayo, am napalabus ramuyun intor ra inulipon ru raja' ru Misir.

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.