SAGULION 28:8 - Tanou Moonsoi Timugon

⁸ “Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

SAGULION 28:8 ပူးပေါင်းရင်းမြစ်များ

2 RAJA'-RAJA' 6:27

Taam raja' no, “Amon ru kalo mangindangan Tuhan no rirun, ati kulaan aku ti mangindangan rirun? Kolondo' gandum kapoam wain kutu!

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

MAZMUR 128:2

Ampos ru bagui muno manumbali ra gogoton muno; maansukan kou am lumangkaya'.

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 144:13

Gama' ru kalukub takano napanu' ra nansalinut ampos ru kandoi ra tana' ti. Gama' ru domba giu' ra umo takau mansasayat saboi kaaparan ribu suang nano.

MAZMUR 44:4

Kalo maalap nilo kakuasa' pagun ti ra ilang; kalo mamanang ilo ra kuasa' nilo galama', kaa' ra kuasa' am kaikangan am niayuk ratangan Muno, sabap ra Okou mangiou ra ulun Muno.

IMAMAT 25:21

Barakaton ru Tuhan tana' no ra bilor koonom, saboi manangampos ra akanon maukop buoi talu ngambilor.

IMAMAT 26:10

Ampos ru tinanom mino masuang kaga' saboi maukop ra sambilor. Mulu' poyo ingkualon min kalalaat suwo ru kinumos ra lair maa' raginio makapambulian ra ondo' kumoson bagu.

AGAI 2:19

Kabalu' pana kolondo' boo gandum ra natatang, am puun ru anggur, puun ru ara, puun ru dalima', am niayuk puun ru jaitun kalo poyo nangkawa', kaa' tumalimpuun raino barakaton Takamin!”

MATIUS 13:30

Polosoon ayuk alab no tumuu' saboi mangkumos. Aku pana mindagu boo ra ulun-ulun ondo' mangkumos no: Bubulo' min galing alab no am bongkoso' min, am pasuboon boo ra apui. Mopongo raginio bagu luluro' min gandum am paulion ra gudang.’ ”

MATIUS 6:26

Ilai' min ayuk susuit-susuit ondo' mansisiab, kalo mantanom ilo ra sampug kapoam mangkumos am niayuk manimung ra akanon ra gudang, kaa' Ama' min giu' ra suruga' mampaakan risilo! Sala' ka kia maatang kau kaga' intor ra susuit-susuit no?

LUKAS 12:18

Mambaal aku koson ragitio; lunsayon ku boo gudang-gudang kuno am mambaal aku ra maayo poyo, koson papasuangan ku ra ampos ru tana' am ngaangai' kuliamos kuno ra bokon.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 15:10

Anii' io ra atan ayuk ra kalo kibayarin am ra taau ru guang, am mambarakat Tuhan ramuyun ralalom ngaangai' ru baalon min.

SAGULION 15:4

Mambarakat ramuyun Tuhan i Aki Kapuuno' min giu' ra tana' ondo' pataakon Nano ramuyun. Kolondo' sangulun pana intor ra bansa' min masauk ra musikin,

SAGULION 28:20

“Amon nambaal kau ra malaat am mangimpai ra Tuhan, maparatong Io ra karaat, kajajawan am kapaganan ralalom ru ngaangai' kandoi min, saboi ralalom sangkinolor ayuk, mapuso kau kalingon.

SAGULION 28:7

“Kalaan ru Tuhan pantula' paat ra ilo mamulunsar ramuyun. Mamulunsar ilo ra inatang, kaa' tauli mantuliar ra magiru'.