SAGULION 28:65 - Tanou Moonsoi Timugon

⁶⁵ Ra gino ngai' ru bansa'-bansa', kalo makaalap kau ra kamiaan am kolondo' intok ondo' maalap min kasabit ra akau tatangan; Tuhan mangkinibit ramuyun magalabo, malawo guang am malaa'.

SAGULION 28:65 ပူးပေါင်းရင်းမြစ်များ

KASAUKAN 8:9

Kaa' kolondo' arapan ru susuit no sabap ra lakat poyo makatimug titikop ru tana' ti. Ginio ra saguli' boo susuit no ri Nuu, am apuo' no rokopo' pasubolo' ralalom ru kapal.

AYUP 11:20

Kaa' ulun malaat mampulolou am maubong; kalo nakatuum ilo ra ralan ingkualan. Rondo' ayuk kalansanan nilo iono maminawo ra pupus toojo.”

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 57:21

Ulun makatula kalo maayag.”

JISAYA 65:14

Maririmbai ilo am maansukan, kaa' akau mantangi' am malawo guang.

SULABOI 1:3

Mamagun ru Jiuda sinauk ra ulipon ondo' kalo maikang, jinajalan nangiruan ra kampung namagunan nilo. Minayan ilo ra gino ngai' ru bansa'-bansa', ra kolondo' intok ondo' mangani' ra kaansayan. Inawangan ilo ru pantula' paat ra ilo naimbolo'.

SULABOI 3:65

Pagulas risilo am pampalawo ra guang nilo!

SULABOI 5:17

Mangiluk kaga' guang mai, lomou mai naratu' saboi mato mai majapul,

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:36

“Mangkinibit Aku ramuyun ondo' pinatiran giu' pagun ru bokon malaa' kaga', saboi bolos ru raun ondo' siniob ru angin pana mangkinibit ramuyun magiru'. Magiru' kau saboi ilain ayuk ilowon ru pantula' ralalom pangayawan, am maratu' kau kabalu' pana kolondo' pantula' mamaar ramuyun.

AMOS 9:4

Amon ru ibiton ilo ru pantula' giu' ra pamatiran, manusub Aku maa' raginio potoyon ilo. Totopot Ku potoyon ilo, am kalo mangindangan risilo.”

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.

MATIUS 24:8

Ngaangai' ragitio matong koson ra maruol ra maganak.

LUKAS 21:26

Malausan ayuk ulun sabap ra malaa' toojo magilong ra atan masauk giti ra tana' ti, sabap ra ngaangai' kuasa' ru limbowon no ugogon.

ROMA 11:10

Polosoon noyo mato nilono bolowon, maa' raginio kalo makakito ilo, gama' ru ilo magail maimbolo' sabap ra kapaganan.”

SAGULION 28:66

Bayag mino masalok makalalaa'. Matawang am molondom kalaanan ngai' min ak, magail kau malaa' ra kapatayan.