SAGULION 28:64 - Tanou Moonsoi Timugon

⁶⁴ Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

SAGULION 28:64 ပူးပေါင်းရင်းမြစ်များ

KASAUKAN 4:14

Paugaron Mu aku ra tana' ti, am intor ra saang Muno. Masauk aku boo ra sangulun tumanggau ondo' kolondo' intok ra tana' ti am potoyon aku ru osoi ayuk makatuum raki'.”

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

2 RAJA'-RAJA' 25:21

giu' ra wilayah Gamat. Giu' no inimbolo' ilo am tauli no inukum ra matoi. Koon raginio noyo mamagun ru Jiuda rinakop intor ra tana' nilo am pinatiran ra pagun.

NIGIMIA 1:8

Iou Tuhan, karaa' noyo ragu Muno ri Musa ragili, ‘Amon ru akau, ulun ru Israil, kalo gumagaya' Raki', pantutuliaron Takamin ra bansa'-bansa' ra bokon.

MAZMUR 44:11

Sinauk Mu akai nagiru' intor ra pantula', am ginaau nilo ngaangai' kuliamos maili.

JISAYA 6:12

Namagun ra bandar-bandar anjungon Ku ra intok maalur, am saukon Ku titikop ru pagun ti masiluk ra kolondo' namagun.

JIRIMIA 15:14

Saukon Ku ilo ra ulipon ru pantula' giu' ra pagun ru bansa' ra bokon ondo' kalo nauligan nilo, sabap ra sangit Kuno koson ra apui ondo' bibilak ra sabubuoi no.”

JIRIMIA 16:13

Ginio ra pagiruon Takamin intor ra pagun ti am patirin kau giu' ra rondo' pagun ondo' totopot kalo natutunan min am kinamatuaan min. Giu' no mangandoi kau ayuk ra tuhan-tuhan ra bokon ra orou am rondom, am kalo makaasi' Aku ramuyun.’ ”

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

SULABOI 1:3

Mamagun ru Jiuda sinauk ra ulipon ondo' kalo maikang, jinajalan nangiruan ra kampung namagunan nilo. Minayan ilo ra gino ngai' ru bansa'-bansa', ra kolondo' intok ondo' mangani' ra kaansayan. Inawangan ilo ru pantula' paat ra ilo naimbolo'.

YEHEZKIEL 20:23

Ginio ra binantu' Ku poyo giu' ra tana' kaagisan no. Nagibot Aku ra mampatutuliar Aku risilo ra titikop ru tana' ti.

YEHEZKIEL 36:19

Ukumin Ku ilo nogondo' koson ra baal ru kaayagan nilo am paliso nilo, am pantutuliaron Ku boo ilo giu' ra pagun-pagun ra bokon.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

JAKARIA 7:14

Koson ra bagiu' mapuor, kinuliagai Ku ilo saboi ilo minayan kalalaat giu' ra pagun ra bokon. Tana' ondo' malabung ti nasauk ra mapua', masiluk kaga', am kolondo' ulun minayan.”

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

SAGULION 13:8

Kaa' pai' polosoo' ulun no mangambi' ramuyun, am pai' rongog ra ragu nano. Pai' pakaasi' ra ulun raginio am pai' pangampin riso.

SAGULION 28:36

“Tuhan mamatir ramuyun am raja' min giu' ra pagun ru bansa' ru bokon, intok ondo' kalo igondo' kasauk ra ayanan min kapoam kinamatuaan min. Giu' no mangandoi kau ra tuhan-tuhan ondo' binaal intor ra tataun am batu.

SAGULION 29:26

Mangandoi ilo ra tuhan-tuhan ra bokon ondo' kalo igondo' ilo samba, sotopot no manginggalar Tuhan risilo mambaal koson raginio.

SAGULION 30:1

“Nangani' aku noyo ramuyun ra pilian ru barakat kapoam ulas. Paat ra ngaangai' baal ragitio masauk ramuyun, am mayan kau ra gino ngai' ru bansa'-bansa' ra intok akau pinantutuliar ru Tuhan i Aki Kapuuno' min, am makara' min pilian ondo' taakin kuno ramuyun.

SAGULION 32:17

Napataak ilo ra taak simbalui ra ambiluo-ambiluo malaat, am sala' ka ri Aki Kapuuno', tuhan-tuhan bagu ondo' kalo nauligan ru kinamatuaan nilo, dewa-dewa ondo' kalo igondo' gagayaa' ru Israil.

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

SAGULION 4:32

“Intutuno' paat ra galing, nabuoi ra akau kalo poyo inanak, timinalimpuun intor ra paat ri Aki Kapuuno' nambaal ra ulun giti ra tana' ti. Ilai' noyo ra titikop ru tana' ti. Igondo' kia baal maayo ragitio nasauk? Igondo' kia osoi pana nokorongog ra sauk koson ragitio?