SAGULION 28:58 - Tanou Moonsoi Timugon

⁵⁸ “Amon ru kalo totopot kau gumagaya' ra ngaangai' susuban ri Aki Kapuuno' ondo' natulisan ralalom ru kitab ti, am kalo mangurumat ra Tuhan i Aki Kapuuno' min ondo' maayo am makaimuag no,

SAGULION 28:58 ပူးပေါင်းရင်းမြစ်များ

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

MAZMUR 48:10

Iou Aki Kapuuno', ralalom ru Baloi Muno, guangon mai togom Muno.

MAZMUR 50:7

“Rongogo' noyo, akau ulun Kuno, mindagu Aku; sonsolon Takamin, akau Israil. Aku no i Aki Kapuuno', i Aki Kapuuno' min.

MAZMUR 61:5

Polosoo' aku mayan ra kim Muno buoi ra aku maayag; maa' raginio mabayag aku ra saau ru kawo Muno.

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

MAZMUR 83:18

Polosoo' ilo kalaan am malaa' ra sabuoi-buoi no; polosoo' ilo matoi ra asabin!

MAZMUR 99:3

Moonong ulun mongompor ra inggalan Nano ondo' maayo am matulai. Io no matulai!

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 20:2

“Aku noyo Tuhan i Aki Kapuuno' min ondo' nagibit ramuyun miningkual intor ra Misir, intok min sinauk ra ulipon.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 42:8

Aku noyo Tuhan, ginio noyo inggalan Kuno. Katulayan Kuno kalo pataakon Ku ra osoi-osoi pana, kapoam pangamparan Kuno ra ati-ati sinungkalalaing.

JIRIMIA 5:12

Ulun ru Tuhan mindagu ra baal ondo' kalo motopot intor ra Tuhan. Konilo, “Kolondo' atan pana baalon Nano. Kalo malumpa' takau ra karaat; kalo boo makaili' takau ra pangayawan kapoam bitilan.”

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

SAGULION 28:15

“Kaa' amon kalo gumagaya' kau ra Tuhan i Aki Kapuuno' min am kalo mambaal toojo ra ngaangai' panusuban am ukum Nano ondo' taakin kuno ramuyun ra orou raiti', am ngaangai' ulas ti makasulung ramuyun:

SAGULION 28:59

maparatong Io ramuyun am papag min ra maruol ondo' kalo maalap kababas am maruol tumapik ondo' kalo maalap ra longgo'.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.